Ẹfesọs 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ẹfesọs 3:8 Referans Kwoze

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

1 Kọrẹnt 15:9

Kidie mẹvwẹ hẹ ọyinkọn rẹ ọkuko, ro fori re se ọyinkọ-ọn, kidie mi mu kpahe ishọshi rẹ Ọghẹnẹ.

Ẹfesọs 3:16

Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

1 Timoti 1:13

dede na dẹvure jovwo me phọpherọ mi kpokpiro me da harhọ; ẹkẹvuọvo o de ni arodọvwẹ mẹ fikiridie ughẹghẹ vẹ ijesegbuyota mi vwo ruo,

Galesha 1:16

o de je nẹ ọye vwẹ Ọmọ rọye na phia kẹ vwẹ, rere me vwọ mrasan ghwoghwo vwẹ ohri ri Keferi me ka nọ vwẹ obọ re ohwo tavwe-e,

Ọbe ri Pọl si rhe Ihwo ri Rom 11:33

E, nighe ekodo vẹ efe kugbe ẹghwanre vẹ erianriẹn rẹ Ọghẹnẹ! Mavọ orhiebro rọye gba te ono sa riẹn idjerhe ro neneri.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

Ẹfesọs 3:19

kugbe ra riẹn ẹguọnọ ri Kristi rọ rhonọ erianriẹn, rere wa vwọ sa vọn vẹ ọvọnvọn rẹ Ọghẹnẹ.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.

1 Timoti 1:15

Ọnana omamo rẹ ora ro fori rẹ ihwo ejobi reyọ nẹ, Kristi Jesu rhe akpọ na rhi sivwi iruimwemwu. Mẹvwẹ hẹ onotu rẹ iruimwemwu;

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Filipae 4:19

Ọghẹnẹ mẹ kọ kẹ ovwan obo rẹ ovwan guọnọ kirobo rẹ efe rọye vwẹ urinrin ri Kristi Jesu epha.

Galesha 2:8

Kidie ohwo ọvuọvo ro ru iruo vwẹ oma ri Pita vwọ kẹ ihwo re yanvwere na, ọye na ọvo ji ru iruo vwe oma mẹ vwọ kẹ ihwo ri Keferi

Une rẹ Ejiro 31:19

E mavọ erhuvwu wẹn bute, ru wọ rhuẹrẹ kpahe kẹ ihwo re dje oshọ wẹn, ru wo ru kẹ ihwo ri si oma rayen nu vwẹ evun wẹn, vwẹ obaro rẹ emọ rẹ ihwo.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Iyẹnrẹ Esiri ri Jọn 1:16

Nẹ oma rẹ ọvọnvọn rọye avwanre ejobi, da mrẹ ẹserọphẹ kpahe ẹserọphẹ reyọ.

1 Ikun rẹ Ivie 17:16

Etiyin ovie Devid da ro uwevwi o de tidia obaro rẹ Ọrovwohwo ọ da ta, ono o mẹvwẹ, E Ọrovwohwo rẹ Ọghẹnẹ, die uwevwi mẹ epha ru wọ vwọ vwẹ ovwẹ yan sheri ọtiọna?

Ẹfesọs 3:1

Fiki rẹ ọnana, ọye mẹvwẹ ri Pọl vwọ hẹ uwọdi fiki rẹ Kristi Jesu vwẹ odẹ rẹ ovwan Keferi.

Iyẹnrẹ Esiri ri Luk 14:22

Odibo na da ta, Ọrovwovwe, obo wọ tare na e ruro gba, yẹ ẹdia je jerọ.