Ẹfesọs 3:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Ẹfesọs 3:21 Referans Kwoze

Ọbe ri Jud 1:25

vwọ kẹ Ọghẹnẹ ọvuọvo na, Osivwi rẹ avwanre vwẹ oma ri Jesu Kristi Ọrovwavwanre ọye a vwẹ urinrin, ọrho, isuesun, kugbe ogangan kẹ, vwẹ ọke ejobi kugbe asakiephana bẹdẹ bẹdẹ. Isẹ.

Ọbe ri Pọl si rhe Ihwo ri Rom 11:36

Kidie obọ rọye emu na ejobi nẹ cha, ọye re ma ayen, ọye nẹrhẹ ayen dia. Ọye a vwẹ ejiro kẹ bẹdẹ. Isẹ.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

1 Pita 5:11

Kọye ri vwo isuesun bẹdẹ bẹdẹ. Isẹ.

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Filipae 4:20

Ọghẹnẹ rẹ avwanre kugbe Ọsẹ a vwẹ urinrin kẹ bẹdẹ bẹdẹ. Isẹ.

Ọbe ri Pọl si rhe Ihwo ri Rom 16:27

Ọghẹnẹ ọvuọvo rọ ghwanre na a vwẹ urinrin kẹ bẹdẹ bẹdẹ vwẹ oma ri Jesu Kristi! Isẹ.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

Aizaya 42:12

Jẹn ayen vwẹ urinrin kẹ Ọrovwohwo, wo ghwoghwo ejiro rọye vwẹ erhuru na ejobi.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

Galesha 1:5

Ọye a vwẹ urinrin ejobi kẹ bẹdẹ bẹdẹ. Isẹ.

2 Timoti 4:18

Ọrovwohwo ko se sivwi uvwe nẹ emu obrabra ejobi, ko ji sivwi uvwe ra ro uvie rọye vwẹ obo odjuvwu. Ọye a vwẹ urinrin kẹ bẹdẹ bẹdẹ Isẹ.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Une rẹ Ejiro 115:1

Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.