Ẹfesọs 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.

Ẹfesọs 3:15 Referans Kwoze

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Ẹfesọs 1:21

ro kpenu nọ ivie ejobi kugbe isuesun ejobi kugbe ogangan ejobi kugbe ubrakpọ ejobi, rọ nọ odẹ kodẹ re se ejobi, ọ dianẹ kẹ oge nana ọvo-o ẹkẹvuọvo ji te oge rọ cha;

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Iruo rẹ Iyinkọn na 11:26

Ọke rọ vwọ mrẹ ọ da reyọ vwọ rhe obi Antiọk. Kidie ayen dia ishọshi na ẹgbukpe soso ayen de yono ihwo buebu; Antiọk kọye hẹ asan rẹsosuọ re de mu odẹ kẹ idibo na nẹ ihwo ri Kristi.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Ẹfesọs 3:14

Fiki rẹ ọnana mi vwo diguẹ kẹ Ọsẹ na,

Ẹfesọs 3:16

Kirobo rẹ efe rẹ urinrin rọye epha kọ sa vwẹ ẹgba rọye kẹ ovwan ogangan vwẹ oma rẹ Erhi rọye rọ hẹ udu rẹ ovwan,