Ẹfesọs 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Fiki rẹ ọnana mi vwo diguẹ kẹ Ọsẹ na,

Ẹfesọs 3:14 Referans Kwoze

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Filipae 2:10

nẹ kohwo kohwo ejobi ki she diguẹ kẹ odẹ ri Jesu, emu re hẹ obo odjuvwu kugbe e re hẹ obotọ rẹ akpọ na,

Iruo rẹ Iyinkọn na 21:5

Ọkẹ rẹ ẹdẹ rẹ avwanre vwọ gba vwẹ etiyin nu, avwanre vrẹnri me de mu oyan rẹ avwanre phihọ; ayen ejobi, vẹ eya vẹ emọ, de sun avwanre rhiri rhi te ughere rẹ orere na; me vwo shiguẹ vwẹ erhuru na avwanre da nẹ ẹrhovwo yere ohwohwo kẹ ẹdẹ ọfa.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Daniẹl 6:10

Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Ezra 9:5

Vwẹ ọke rẹ izobo rẹ ovwọnvwọn na vwo te nu, Mi de vrẹn nẹ evun rẹ owẹvwe echiro mẹ, iwun kugbe ukpo mẹ re bẹre ejobi, mi de she diguẹ me da riẹn abọ mẹ kẹ Ọrovwohwo rẹ Ọghẹnẹ mẹ,

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Iruo rẹ Iyinkọn na 20:36

Rọ vwọ ta ọtiọye nu, o de shiguẹ ọ vẹ ayen ejobi da nẹ ẹrhovwo.

Iyẹnrẹ Esiri ri Luk 22:41

O de tephe kẹ ayen emerha, o de shiguẹ ọ da nẹ ẹrhovwo,

1 Ivie 19:18

Dede na yi mi che jẹ ihwo uriori ighwrẹ vwo vwẹ Izrẹl, igbo ejobi ri ji diguẹ ki Baal dẹvo-o, kugbe unu kunu rọ jẹ fiọnfiọn dẹvo-o.

1 Ivie 8:54

Asakiephana ri Solomọn vwọ nẹ ẹrhovwo rọye ejobi kugbe orẹ rọye kẹ Ọrovwohwo nu, o de vrẹn nẹ obaro rẹ agbada rẹ Ọrovwohwo na, ro shiguẹ bẹrabọ sa odjuvwu phihọ;

2 Ikun rẹ Ivie 6:13

Solomọn duvwu ohwarha rẹ ẹrovwo ugrogro rọye kubit iyori, ohẹhẹre rọye kubit iyori, o de rhe kpenu kubit erha, o de muo phihọ ọguan na; o de mudia phihọ enu rọye. Etiyin o de diguẹ te otọ vwẹ irharo rẹ ọghwẹgbe rẹ ihwo rẹ Izrẹl, ọ da bẹre abọ sa odjuvwu;

Iruo rẹ Iyinkọn na 9:40

Ẹkẹvuọvo Pita da djẹ ayen ro otafe o de diguẹ ọ da nẹ ẹrhovwo; ro vwo hirhe opharo ku orivwi na ọ da ta, Tabita, vrẹn. O de rhiẹ ẹro rọye, ọke rọ vwọ mrẹ Pita o de vrẹn tidia.

Iruo rẹ Iyinkọn na 7:60

Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.

Ẹfesọs 3:15

ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.