Ẹfesọs 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Fiki rẹ ọnana, ọye mẹvwẹ ri Pọl vwọ hẹ uwọdi fiki rẹ Kristi Jesu vwẹ odẹ rẹ ovwan Keferi.

Ẹfesọs 3:1 Referans Kwoze

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

2 Timoti 1:8

Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

Ẹfesọs 6:20

Fiki rọye me vwọ hẹ ọyinkọn vwẹ igoni na; rere mi vwo se ghwoghwo vẹ udu, kirobo re me sa ta te.

Filimọn 1:9

ẹkẹvuọvo fiki rẹ ẹguọnọ ki mi gbobọnyẹ eyena, wọ riẹnre ne me ghworeọ, me kẹ rha hẹ ekanrọ fiki ri Kristi Jesu na;

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Filimọn 1:1

Pọl, re mu phihọ uwodi fiki ri Kristi Jesu, kugbe Timoti oniọvo rẹ avwanre, ri si ọbe nana rhe Filimọn rọ ghaghare kugbe ohwo rẹ avwanre vẹ ọye gbe ru iruo kuẹgbe,

Iruo rẹ Iyinkọn na 23:18

Ọtiọye na ọ da reyọ o de vwo rhe onotu na ọ da ta, Pọl rọ hẹ imu na ọye ratẹ me vwẹ emeghene na rhe we, o vwo obo rọ cha ta kẹ owẹ.

Iyẹnrẹ Esiri ri Luk 21:12

Ẹkẹvuọvo tavwe rẹ ọnana ke rhe phia ayen che shabọ họ ovwan ayen mi mu ovwan, sun ovwan kpo sinagọg vẹ uwodi, ka reyọ ovwan kpo obaro rẹ ivie kugbe isun fiki rẹ odẹ mẹ.

Filimọn 1:23

Epafras re mu kugbe uvwe vwẹ uwodi na vwi fiki ri Kristi Jesu, nẹ e yere uwe;

Iruo rẹ Iyinkọn na 26:29

Pọl da ta, Owenẹ ọkrẹre eyẹ o grori, mane kẹ Ọghẹnẹ rhọvwere nẹ ọ dia owẹ ọvo-o ẹkẹvuọvo ji te ayen ejobi rhe ri nyo vwe nonẹ na rhe dia kirobo re me epha na jokpa rẹ igoni nana ọvo ri nuro.

2 Timoti 1:16

Ọrovwohwo ni arodọvwẹ rẹ evwruwevwi rẹ Ọnisforọs, kidie kọke kọke ọ vwọ sasa ovwẹ oma; oma rẹ igoni ra vwọ kanre ovwẹ na vorọ-ọ,

Kolose 4:18

Ọnana uyere rẹ obọ me, re mẹvwẹ ri Pọl yere ovwan; ovwan karohọ uwodi re me epha. Ẹserọphẹ nene ovwan dia.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

2 Kọrẹnt 11:23

Ayen idibo ri Kristi? Mi yovwi nọ ayen–me ta ota kerẹ ọrhuẹ–vwẹ owian buebu, vwẹ uwodi buebu, vwẹ ehwe o vwo unu-u, edegbe ughwu vwẹ okẹ buebu.

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

Iruo rẹ Iyinkọn na 21:33

Etiyin onotu na da rhe o de muo, ọ da tanẹ a vwẹ igoni ivẹ kanrọ. Ọ da nọ oka rẹ ohwo rọ epha kugbe obo ro ruru.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Ẹfesọs 3:13

Fiki rẹ ọtiọye na we gbi jẹ oma rhọ ovwan fiki rẹ oja re me ria kẹ ovwa-an, ọye hẹ ejiro rẹ ovwan.

Galesha 5:11

Ẹkẹvuọvo ọ da dianẹ omẹvwẹ, imoni, kọye rha rhoma ghwoghwo oyanvwe, kidie e rhe vwo kpokpo uvwe? Vwe ọtiọye na ye ghwie uchukurhe umwemwu rẹ agbagba na no nure.

Galesha 5:2

Nighe mẹvwẹ, ri Pọl, ta kẹ ovwan nẹ, ovwan da yanvwe Kristi gbi fi emuọvo kẹ wẹ-ẹ.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

2 Kọrẹnt 1:6

Ọ da dianẹ avwanre hẹ ukpokpogho, yẹ fiki rẹ uchebro vẹ esivivo rẹ ovwan, ọ da dianẹ avwanre vwo uchebro, ye fiki rẹ uchebro rẹ ovwan, rẹ ovwan mrẹre vwẹ ọke rẹ ovwan vwo vwo odiri vwo chirako rẹ oja ọvuọvo rẹ ovwan rere.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ẹfesọs 3:11

Iroro okokodo ọtiọnana ọye Ọghẹnẹ jẹre rhabae kpahe Jesu Kristi Ọrovwavwanre.