Ẹfesọs 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Evun Kristi kọye uwevwi na ejobi wan tan kugbe ọ da rho hirhe phihọ uwevwi rẹ ẹga ọfuanfon vwẹ evun rẹ Ọrovwohwo.

Ẹfesọs 2:21 Referans Kwoze

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

1 Ivie 6:7

Eragha re sheri ra nabọ kare vwẹ obo ọgọdọ, eye a vwọ bọn; vwẹ ọtiọye na e gbi nyo umri re umomo eyẹ ushurhe eyẹ ekuakua rẹ utehru vwẹ evun rẹ uwevwi na, vwẹ ọke ra vwọ bọ-ọn.

Izikiẹl 42:12

Vwẹ obotọ rẹ ighẹn rọ hẹ obuko ọnre na anurhoro da herọ vwẹ ẹbẹre rẹ obaro ọnre na, vwẹ asan ra da ghwa vwẹriẹ ro anurhoro na, vwẹ asan ro hirhe aro kuo na igbẹhẹ ọvo da gharọ.

Une rẹ Ejiro 93:5

Iji wẹn imuẹro gangan, ẹfuọn ri fọ uwevwi wẹn, E Ọrovwohwo, rhiri bẹdẹ.

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.