Ẹfesọs 2:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Vwẹ ọtiọye na ovwan gbe hẹ erhorha kugbe ihwo re kua rhe-e, ẹkẹvuọvo ovwan vẹ ihwo efuanfon na kẹ emotọ kugbe ihwo rẹ evwruvwevwi rẹ Ọghẹnẹ,

Ẹfesọs 2:19 Referans Kwoze

Filipae 3:20

Ẹkẹvuọvo avwanre kẹ emotọ rẹ odjuvwu, kẹ etiyin avwanre da hẹrhẹ Osivwi, Ọrovwohwo Jesu Kristi,

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Hibru 11:13

Enana ejobi na ghwuru vwẹ evun rẹ esegbuyota rayen, yẹ ive re ve kẹ ayen na ji te ayen obọ-ọ, ẹkẹvuọvo rẹ ayen vwọ mrẹ ayen de yenre vwẹ ogboko, ayen da rhọvwe nẹ ayen ghine hẹ erhorha re hẹ imu vwẹ akpọ na.

Ẹfesọs 3:15

ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.

Matiu 10:25

Oyoma re odibo họhọ onini rọye, re oviẹn je họhọ ọrovworo. Ayen de se o ro vwo uwevwi Bẹlzibọl, komavo e ru ikru rọye.

Hibru 13:14

Kidie avwanre vwo orere ri bẹdẹ na vwo obonẹ-ẹ, yẹ ẹkẹvuọvo avwanre guọnọ orere rọ cha na.

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.