Ẹfesọs 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ rere vwẹ agbagba na ọ vwọ sa rhuẹrẹ avwanre vẹ Ọghẹnẹ kugbe vwẹ ugboma ọvo, rere ohọre ejobi vwo fue.

Ẹfesọs 2:16 Referans Kwoze

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Kolose 2:14

Ro vwo phoro irhi re si kpahe ovwan uyovwi re vẹ oma rẹ avwanre shephihọ-ọ na, o de si ayen nẹ idjerhe rẹ avwanre, ọ da ra kanre ayen mu agbagba.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Ọbe ri Pọl si rhe Ihwo ri Rom 8:7

Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

Ọbe ri Pọl si rhe Ihwo ri Rom 6:6

Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

1 Kọrẹnt 10:17

Fikiridie ikara ọvuọvo herọ, yẹ avwanre re epha buebu na ugboma ọvo, kidie ikara ọvo na avwanre ejobi ria.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Ẹfesọs 4:4

Oma ọvuọvo rẹ herọ kugbe Erhi ọvuọvo, kirobo re se ovwan rhe iphiẹrohọ ọvuọvo na rọ hẹ evun rẹ use rẹ ovwan na.

Kolose 3:15

We gbe jẹ ufuoma ri Kristi vwọ kẹ udu rẹ ovwan na, fue oseghe, ẹghwọ kugbe ukpokpogho re hẹ udu rẹ ovwan ejobi, fiki rẹ ufuoma na e vwo se ovwan rhe vwọ dia oma ọvo rọye na. Ovwan gba kpẹvwẹ.