Ẹfesọs 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹfesọs 2:11 Referans Kwoze

Kolose 2:11

Oma rọye ovwan wan yanvwe ọ dia oyanvwe rẹ ugboma ra vwẹ obọ ru-u, rẹ ovwan vwo phi oma rẹ imwemwu rẹ ovwan phihọ oyanvwe ri Kristi;

Kolose 2:13

Ovwan, ri rhe ghwu fiki rẹ imwemwu kugbe ijẹyanvwọ rẹ ugboma rẹ ovwan jovwo na, Ọghẹnẹ kọ je vwẹ ovwan boma vrẹn fikiridie ọ vwo ghovwo ovwan nure.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Kolose 1:21

Ovwan rẹ erhorha kugbe ivwighrẹ rẹ iruo esiri jovwo na, ka je rhuẹrẹ ovwan kugbe.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Galesha 6:12

Ayen otu re guọnọre nẹ e ni ayen rhuarho vwẹ ugboma, ihwo yena re tua ovwan muotọ nẹ ovwan yanvwe na, rere e vwo jẹ ayen hẹ ekpokpogho fiki rẹ agbagba ri Kristi na.

1 Kọrẹnt 12:2

Ovwan riẹnre nẹ ọke rẹ ovwan vwọ hẹ egọdjọ jovwo, a riẹriẹ ovwan ra gọ ema ri diunu, kirobo rẹ ayen mu ovwan vwo ru.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

Urhi Rivẹ 16:12

Wọ Me karohọ nẹ ọviẹn wọ diare vwẹ Ijipt jovwo; wọ Me jomaotọ wọ karohọ ẹgha nana.

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Galesha 2:15

Ekpuyovwi rẹ avwanre, re dia ihwo ri Ju vwẹ uvwiẹ re dia Keferi rẹ iruimwemwu-u,

Izikiẹl 36:31

Etiyin wọ ke cha karophihọ idjerhe omiomiovwi wẹn, kugbe uruemu wẹn ro je yovwo; oma wẹn ko che tu we oma fiki rẹ orukuruku wẹn kugbe uruemu rẹ ẹgua wẹn.

Urhi Rivẹ 5:15

Wọ Me karohọ nẹ wọ je dia odibo vwẹ otọ rẹ Ijipt dẹvure rẹ Ọrovwohwo Ọghẹnẹ wẹn ke reyọ obọ gangan vẹ ugbobọ ra riẹnre vwọ reyọ owẹ nẹ Etiyin rhe; vwẹ eriyin na Ọrovwohwo Ọghẹnẹ wẹn de jiji kẹ wẹ nẹ wọ yọnrọn ẹdidjala na.

Izikiẹl 20:43

Oboyi wọ da cha karohọ idjerhe wẹn kugbe uruemu ejobi ru wo vwo miovwo oma wẹn, oma wẹn ko tu we oma fiki rẹ umwemu ejobi ru wo ruru.

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.

Ọbe ri Pọl si rhe Ihwo ri Rom 2:26

Ohwo rọ yanvwere-e da yọnrọn urhi na, wo rhe roro nẹ e kere ijẹyanvwọ rọye phihọ oyanvwe kẹ?

Ọbe ri Pọl si rhe Ihwo ri Rom 2:27

Wo rhe roro nẹ ijeyanvwọ rọ yọnrọn urhi na se brorhiẹ wẹ rọ vwẹ urhi na yan eyan rọ chọ urhi na?

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Matiu 20:7

Ayen da ta kẹ nẹ, avwanre mrẹ ohwo rọ reyọ avwanre-e. Ọ da je ta kẹ ayen nẹ, Wa yanran kpo obo udju mẹ.