Ẹfesọs 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Obo rẹ ọrho rẹ ogangan rọye vwẹ evun rẹ avwanre otu ri sere gbuyota na epha, kirobo rẹ iruo rẹ ẹgba rode rọye epha.

Ẹfesọs 1:19 Referans Kwoze

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Kolose 2:12

e di shi ovwan kugbe vwẹ evun rẹ ame-ereyọ, kọye a vwọ rhoma kpare ovwan vrẹn vwẹ esegbuyota, vwẹ oma rẹ Ọghẹnẹ rọ kpaerọ vrẹn nẹ ughwu na.

2 Kọrẹnt 4:7

Ẹkẹvuọvo avwanre vwo efe nana vwẹ evun rẹ ochẹ, ro vwo dje nẹ ọrho rọ basa-a na Ọghẹnẹ ọvo ri vworo ọ dianẹ kẹ ọ rẹ avwanre-e.

Kolose 1:29

Fiki rẹ ọnana kọye me vwọ wian rhe, me vwọ pharha kẹ iruo na, kirobo rẹ oruru rẹ iruo na gan te vwẹ evun mẹ.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Ẹfesọs 3:7

Fiki rẹ iyẹnrẹ esiri na ka vwẹ ovwẹ ma ogbodibo kirobo rẹ okẹ rẹ ẹserọphẹ rẹ Ọghẹnẹ ra vwọ kẹ vwẹ epha vwẹ oma rẹ iruo rẹ ogangan rọye.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

2 Tẹsalonaika 1:11

Fiki rẹ ọnana na avwanre vwọ rẹ kẹ ovwan kọke kọke, rere Ọghẹnẹ rẹ avwanre se ru ovwan fo kẹ use rọye, rere o vwo se ru iroro kiroro esiri rọ jẹ kpahe ovwan gba kugbe iruo rẹ esegbuyota vwẹ ogangan rọye,

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Filipae 3:21

ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.