Ẹfesọs 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Ẹfesọs 1:17 Referans Kwoze

Aizaya 11:2

Erhi rẹ Ọrovwohwo kọ cha rhan muo, erhi rẹ ẹghwanre vẹ ẹruọ; erhi rẹ iroro vẹ ẹgba, erhi rẹ erianriẹn vẹ oshọ ẹdjẹ rẹ Ọrovwohwo

Isẹ 2:5

kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

2 Pita 1:3

Ogangan rọye kẹ avwanre emu ejobi ro fori kẹ arhọ vẹ ẹfuọn, vwẹ oma rẹ erianriẹn rẹ ohwo ro se avwanre rhe urinrin rọye kugbe erhuvwu rọye.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

1 Kọrẹnt 2:10

Ọghẹnẹ vwe rọ phia kẹ avwanre vwẹ oma rẹ Erhi na. Kidie Erhi na guọnọ kemu kemu ejobi phia, mrẹmrẹ emu okokodo rẹ Ọghẹnẹ.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Ẹfesọs 3:5

Emu ra vwọ kẹ emọ rẹ ihwo riẹn vwẹ uvwiẹ ọfa-a kirobo rẹ erhi na vwe rọ phia vwẹ asakiephana kẹ iyinkọn efuanfon rọye kugbe emraro na.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iruo rẹ Iyinkọn na 6:10

Ẹkẹvuọvo udu rẹ ayen sa gba aghwanre kugbe Erhi rọ vwọ ta ota na-a.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Jọn 14:26

Ẹkẹvuọvo Obruche na, Erhi Ọfuanfon na, rẹ Ọsẹ na che ji rhe vwẹ odẹ mẹ na, ko chẹ yono ovwan emu ejobi, kọ cha karohọ ovwan emu ejobi re me ta kẹ ovwan.

2 Kọrẹnt 12:1

Me sa yan eyan; yo vwo erere ọvuọvo ra mrẹ vwọ-ọ, ẹkẹvuọvo mi kpo abọ rẹ emramrẹ kugbe ẹvwọphia rẹ Ọrovwohwo na.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Une rẹ Ejiro 24:7

Kpare iyovwi wẹn kpenu, E inurhoro! ja kpare ayen kpenu, E ẹchẹ rẹ awanre na! rere Ovie rẹ urinrin vwọ ro uwevwi.

1 Kọrẹnt 12:8

A wan oma rẹ Erhi na vwẹ ota rẹ aghwanre kẹ ohwo ọvo, ọfa ota rẹ erianriẹn vwẹ oma rẹ Erhi ọvuọvo na,

1 Kọrẹnt 2:8

Isun rẹ oge nana ọvnọvo vwo ẹruọ rẹ ọnana-a; kidie ọ dianẹ kẹ ayen vworo, ayen a rha kanre Ọrovwohwo rẹ urinrin na mu agbagba-a.

Ọbe ri Pọl si rhe Ihwo ri Rom 15:6

rere avwanre kuoma gbe ọvo vẹ urhuru ọvo vwo jiri Ọghẹnẹ kugbe Ọsẹ rẹ Ọrovwavwanre Jesu Kristi.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Daniẹl 10:1

Vwẹ ukpe rerha ri Sairọs ovie ri Pẹsha a da rhe vwẹ ota ọvo phia kẹ Daniẹl re se nẹ, Bẹlteshaza. Ota na da dia uyota, dede na ọ vẹ ọsẹghẹ rode. Ota na da ruọ o de jivwo ọhọ rẹ emramrẹ na.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Jerimaya 2:11

A mrẹ orere ro wene eghẹnẹ rọyẹ dẹvure, owenẹ ayen dia eghẹnẹ-ẹ dede na? Ẹkẹvuọvo ihwo mẹ vwẹ emu ro fi erere-e vwo wene urinrin rayen.

Une rẹ Ejiro 24:10

Kono Ovie rẹ urinrin na vwo? Ọrovwohwo rẹ otuofovwi na, ọye Ovie rẹ urinrin na.

Ẹvwọphia 7:12

tanẹ, Isẹ, Ebruba kugbe urinrin kugbe aghwanre kugbe ẹkpẹvwẹ kugbe ọghọ kugbe ogangan kugbe ọrho dia kẹ Ọghẹnẹ rẹ avwanre bẹdẹ bẹdẹ! Isẹ.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

Jems 2:1

Imoni mẹ, wa vwẹ esegbuyota rẹ Ọrovwavwanre Jesu Kristi, Ọrovwohwo rọ vọnre vẹ urinrin na, vwo ni ohwo ẹro-o.

1 Kọrẹnt 14:6

Asakiephana, imoni, ọ da dianẹ mi bru ovwan rhe kẹ ephẹrẹ me jẹ, komavọ erere ru te ovwan jokpa nẹ a vwẹ emu evo phia kẹ ovwan eyẹ erianriẹn eyẹ aroẹmrẹ eyẹ uyono?

Iyẹnrẹ Esiri ri Luk 12:12

Kidie Erhi Ọfuanfon che yono uwe vwẹ ọke yena obo ru wọ cha ta.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Une rẹ Ejiro 29:3

Urhuru rẹ Ọrovwohwo ọ hẹ enu rẹ ame; Ọghẹnẹ rẹ urinrin na ra va, Ọrovwohwo vwe enu rẹ ame buebu.

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Iruo rẹ Iyinkọn na 7:2

Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran,

Ẹyano 28:3

Wọ me ta kẹ ihwo ri vwo ẹgba ejobi, ihwo re me vwẹ erhi rẹ iruo eruo kẹ, rere ayen ko iwun rẹ Erọn na re vwo ruo fon kẹ ẹdia rẹ orherẹn mẹ.

ỌBE RẸ JOB 42:5

Erhọn, diọdi mi vwo nyo we jovwo, ẹkẹvuọvo asakiephana ẹro mẹ mrẹ wẹ re.

Isẹ 18:15

Udu rẹ ọvwiroro vwo erianriẹn, erhọn rẹ ọvwẹghwanre guọnọ erianriẹn.

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Filipae 3:15

E gbe jẹ avwanre ri te omiragua re na roro ọnana mrẹ; emu ọfa da rha herọ ru we ji roro phia-a, Ọghẹnẹ kọ vwọ phia kẹ ovwan rhe.

Matiu 20:33

Ayen da ta kẹ nẹ, Ọrovwohwo, rhiẹ ẹro rẹ avwanre.