Ẹfesọs 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 1:13 Referans Kwoze

2 Kọrẹnt 1:22

Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Ọbe ri Pọl si rhe Ihwo ri Rom 4:11

Ọ da reyọ oyanvwe na kerẹ oka kọye iseri rẹ ọvwata rọye ro vwori vwi fiki rẹ esegbuyota vwẹ ọke rọ je yanvwe-e. Rere ọ vwọ sa dia ọsẹ rẹ ayen ejobi ri segbuyota jẹ eyanvwere-e re kere phihọ ọvwata kẹ ayen.

Taitọs 2:11

Kidie ẹserọphẹ rẹ Ọghẹnẹ rhe vwẹ oma phiare, ọ da vwẹ esivwo vwọ kẹ ihwo ejobi.

Galesha 3:14

rere vwẹ oma ri Jesu Kristi ebruphihọ rẹ Ebraham vwọ mrasan bru ihwo ri Keferi rhe, rere avwanre vwo vwo ive rẹ Erhi na fiki rẹ esegbuyota.

Joẹl 2:28

Rẹ ọke de rhi te vwẹ ukuko rọye re, ki mi che ku erhi mẹ ku ihwo ejobi, te emeshare wẹn te emetẹ wẹn kẹ cha mraro, ememare wẹn ke cha vwerhe evwerhẹ, imighene wẹn ke cha mrẹ emramrẹ.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iyẹnrẹ Esiri ri Jọn 14:26

Ẹkẹvuọvo Obruche na, Erhi Ọfuanfon na, rẹ Ọsẹ na che ji rhe vwẹ odẹ mẹ na, ko chẹ yono ovwan emu ejobi, kọ cha karohọ ovwan emu ejobi re me ta kẹ ovwan.

Iyẹnrẹ Esiri ri Jọn 1:17

Kidie oma ri Mosis a wan kẹ avwanre urhi na; ẹserọphẹ vẹ uyota kẹ oma ri Jesu Kristi ọ wan rhe.

Iyẹnrẹ Esiri ri Luk 24:49

Nighe, mi che ji ive rẹ Ọsẹ mẹ na bru ovwan rhe; ẹkẹvuọvo wa dia evun rẹ orere na, bẹsiẹ ra vwọ reyọ ogangan nẹ obenu rhe rhi vwo rhuo ovwan.

Une rẹ Ejiro 119:43

Wo siẹ ota rẹ uyota na nẹ unu mẹ kakare-e, kidie iphiẹrohọ mẹ hẹ evun re egba wẹn.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

Iruo rẹ Iyinkọn na 1:4

Re ayen rhi vwo koko asan ọvo re ọ da ta kẹ ayen nẹ ayen jowọ nẹ Jerusalẹm na-a ẹkẹvuọvo ayen gba hẹrhẹ ive rẹ Ọsẹ na, rọ tare, rẹ ovwan nyo mie vwe na.

Iyẹnrẹ Esiri ri Jọn 15:26

Ẹkẹvuọvo ọke rẹ Obruche na da rhe, ri mi che ji nẹ obọ rẹ Ọsẹ na rhe, mrẹmrẹ kọye hẹ Erhi rẹ uyota na, ro nẹ obọ rẹ Ọsẹ na rhe, ọye ri che se oseri kẹ vwẹ.

Iruo rẹ Iyinkọn na 13:26

Imoni, emọ rẹ uvwiẹ rẹ Ebraham, kugbe ovwan rẹ djẹ oshọ rẹ Ọghẹnẹ avwanre a vuẹ ovuẹ rẹ esivwo nana rhe.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iyẹnrẹ Esiri ri Luk 11:13

Ọ da dianẹ, wẹ rẹ ohwo umwemwu, da riẹn obo ra vwẹ emu oyoyovwi kẹ emọ wẹn, komavọ ọ rho te rẹ ọsẹ robo odjuvwu sa vwẹ Erhi Ọfuanfon kẹ otu re nọrọ?

Ẹvwọphia 7:2

Etiyin me da mrẹ amakashe ọfa ro yere kpenu nẹ obaro ọnre cha, vẹ usiaphrẹ rẹ Ọghẹnẹ ri bẹdẹ na vwẹ obọ, ọ da va se emakashe enẹ na ra vwẹ ogangan kẹ nẹ e guọghọ akpọ na kugbe abadi na,

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

2 Timoti 3:15

nẹ ọke emọ wẹn rhe ọye wọ vwọ riẹn ọhe ọfuanfon na rọ sa kẹ aghwanre vẹ esivwo fiki rẹ esegbuyota kpahe Kristi Jesu.

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.

Ẹfesọs 4:21

A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

2 Kọrẹnt 6:7

ota rẹ uyota, kugbe ogangan rẹ Ọghẹnẹ; vwẹ ekuakua rẹ ọvwata vwẹ obọrhe vẹ obọhwẹre;

Iyẹnrẹ Esiri ri Jọn 3:33

ohwo rọ reyọ iseri rọye ka oka phihọ ọnana nẹ, Ọghẹnẹ hẹ uyota.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.