Ẹfesọs 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:12 Referans Kwoze

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

2 Tẹsalonaika 2:13

Imoni rẹ Ọrovwohwo guọnọre, obo re gba phihọ avwanre ohọre rere kọke ejobi avwanre a kpẹvwẹ Ọgbẹnẹ kẹ ovwan, rọ vwọ sanọ ovwan reyọ kẹ esivwo, vwẹ oma rẹ orufuọn rẹ Erhi na, kugbe obo rẹ ovwan vwo se uyota na gbuyota.

Ẹfesọs 3:21

ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

Ẹfesọs 2:7

rere vwẹ oge rọ cha na ọ vwẹ ẹserọphẹ ro je re na kugbe arodọvwẹ rọye vwo nẹ avwanre vwẹ evun ri Kristi Jesu.

Iyẹnrẹ Esiri ri Jọn 14:1

We jẹn udu bru ovwa-an; se Ọghẹnẹ gbuyota, we ji se vwẹ gbuyota rhe.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

2 Timoti 1:12

fiki rẹ ọye ọvo na me vwọ reoja kirobo re me ria na. Ẹkẹvnọvo oma vo ovwẹ-ẹ, kidie me riẹn ohwo ri mi segbuyota yo ji mu vwe ẹro nẹ ọ je sa sẹro rẹ obo rọ vwọ kẹ vwẹ yọnre na re te Edẹ na.