Ẹfesọs 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Ẹfesọs 1:10 Referans Kwoze

Kolose 1:20

Oma rọye a wan rhuẹrẹ emu na ejobi phihọ kẹ oma rọye, ọbara rẹ obọ rọye vwẹ enu rẹ agbagba ọye ọ vwọ rhuẹrẹ emu na ejobi phihọ, te emu rọ hẹ enu rẹ akpọ na, te ọ rọ hẹ obevun rẹ odjuvwu.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Iyẹnrẹ Esiri ri Mak 1:15

tanẹ, ọke na tere, uvie rẹ Ọghẹnẹ na sikẹre re, kurhẹriẹ we se iyẹnrẹ esiri na gbuyota.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Kolose 1:16

Kidie oma rọye a wan ma kemu kemu ejobi, re hẹ obo odjuvwu kugbe re hẹ otọ rẹ akpọ na, emu ra mrẹ kugbe irejẹmrẹ owenẹ o dia obenu rẹ ekete rẹ ivie eyẹ ubrakpọ re suẹn, eyẹ ihwo ride eyẹ ogangan; obọ rọye a wa ma kemu kemu ejobi, ọye a je ma ayen kẹ.

1 Pita 1:20

E rhiro nẹ ẹtuọhọ rẹ akpọ na rhe ẹkẹvuọvo a da rhe vwọ phia vwẹ obo oba rẹ ẹdẹ na fiki rẹ ovwan.

Ẹfesọs 3:15

ohwo ra vwẹ odẹ rọye se uvwie kuvwiẹ rọ hẹ akpo vẹ odjuvwu.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Ẹfesọs 1:22

ọ da vwẹ emu na ejobi hwa otọ kẹ chiyi o de vwo ru olori rẹ emu ejobi vwọ kẹ ishọshi na,

1 Kọrẹnt 11:3

Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Hibru 11:40

rẹ Ọghẹnẹ vwọ ka mrẹ obo ri me yovwi kẹ avwanre na, nẹ ọ rha dia avwanre-e e gbi se ru ayen gba-a.

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Ẹfesọs 2:15

Ọ da vwẹ ugboma rọye vwọ guọghọ irhi re jiri kugbe iji, rere asan rẹ ihwo ivẹ epha jovwo na ro vwo ruo phihọ ohwo ọkpokpọ ọvuọvo vwẹ evun rẹ oma rọye, kọye ufuoma sa vwọ dia,

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

Matiu 25:32

Ka cha ghwẹ ẹgborho rẹ akpọ na ejobi koko obaro rọye; ko hẹriẹ ayen ohwohwo nohwo kerẹsiẹ rẹ osuigodẹ a da hẹriẹ igode nẹ usun rẹ ẹvwe.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Hibru 9:10

ẹkẹvuọvo kẹ irueru rẹ emuọre kugbe udi kugbe okoka rẹ ẹhọ ọvo, irhi re jiri fiki rẹ ugboma na bẹsiẹ ro vwo te ọke ra vwọ rhuẹrẹ phihọ.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,