Daniẹl 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me da nẹ ẹrhovwo kẹ Ọrovwohwo Ọghẹnẹ mẹ me da rhọvwe umwemwu mẹ tanẹ, E Ọrovwohwo Ọghẹnẹ rode ro muoshọ, rọ yọnre ọphọ vẹ ẹguọnọ ro jẹ rhẹriẹ kẹ ihwo re guọnerọ re da rha yọnre irhi rọye,

Daniẹl 9:4 Referans Kwoze

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Urhi Rivẹ 5:10

ẹkẹvuọvo ji nẹ ẹguọnọ ro jẹrhẹriẹ uri aku uri, kẹ ayen otu re guọnọ ovwẹ re yọnrọn irhi mẹ.

2 Ikun rẹ Ivie 7:14

Ọ da dianẹ ihwo mẹ ra vwẹ odẹ me se da vwẹ oma kpotọ, rẹ ayen da nẹ ẹrhovwo rẹ ayen da guọnọ opharo mẹ, rẹ ayen de kurheriẹ nẹ idjerhe ọbrabra rayen, eriyin ki mi nyo nẹ obo odjuvwu rhe, ke me vwẹ imwemwu rayen ghovwo ayen ki mi sivwi otọ rayen.

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

1 Ivie 8:23

ọ da ta, E Ọrovwohwo, Ọghẹnẹ rẹ Izrẹl, o vwo Ọghẹnẹ ọfa rọ họhọ owẹ-ẹ, vwẹ odjuvwu vwẹ obenu yẹrẹ vwẹ obotọ rẹ akpọ obonẹ-ẹ, rọ yọnrọn ọphọ, o me rha vwẹ ẹguọnọ ro je rhẹriẹ rọye vwo ni idibo rọye re yan nene uwe vẹ udu rayen ejobi;

Une rẹ Ejiro 32:5

Me rhọvwe imwemwu mẹ kẹ wẹ, mi si orukuruku mẹ nu kẹ wẹ-ẹ, Me tare nẹ, me fan ogbeku mẹ kẹ Ọrovwohwo; Etiyin ku wọ vwẹ abe re umwemwu mẹ ghovwo uvwe.

Urhi Rivẹ 7:21

Wọ dje oshọ raye-en; kidie Ọrovwohwo Ọghẹnẹ wẹn ọ uherevie wẹn, Ọghẹnẹ rode rọ vẹ udidi.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Nehemaya 1:5

Me da ta, E Ọrovwohwo Ọghẹnẹ re Odjuvwu, ọ rọ rhoro vẹ Ọghẹnẹ rọ muọshọ rọ sẹro rẹ ọphọ vẹ ẹguọnọ ro jẹrhẹriẹ ke otu re guọnerọ re sẹro rẹ irhi rọye,

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Daniẹl 6:10

Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Daniẹl 9:3

Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Urhi Rivẹ 7:12

Fikirobo re wọ vwọ kerhọ rẹ iji nana, re wọ da yọnrọn ayen, ji ru ayen na, Ọrovwohwo Ọghẹnẹ wẹn na kọ cha yọnrọn ọphọ vẹ ẹguọnọ ro jẹrhẹriẹ ro veri kẹ esẹ wẹn na kẹ wẹ;

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.