Daniẹl 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Daniẹl 9:3 Referans Kwoze

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Ezra 9:5

Vwẹ ọke rẹ izobo rẹ ovwọnvwọn na vwo te nu, Mi de vrẹn nẹ evun rẹ owẹvwe echiro mẹ, iwun kugbe ukpo mẹ re bẹre ejobi, mi de she diguẹ me da riẹn abọ mẹ kẹ Ọrovwohwo rẹ Ọghẹnẹ mẹ,

Ezra 10:6

Etiyin Ẹzra de sioma nẹ obaro rẹ uwevwi rẹ Ọghẹnẹ, ọ da yanran kpo uvun ri Jehohanan ọmọ rẹ Eliashib, kẹ etiyin ọ vwerhẹre vwẹ ason yena, ọ re emu-u eyẹ ọ da ame-e, kidie o mu omaphihọ kẹ ijesegbuyota rẹ otu re muru na.

Ezra 8:21

Mi de ji urhi nẹ avwanre ejobi gbe chirin owẹvwe vwẹ oma rẹ urhie rẹ Ahava, rere avwanre vwọ mrẹ asan vwọ vwẹ oma rẹ avwanre vwo kpotọ vwọ kẹ Ọghẹnẹ rẹ avwanre, re a vwọ guọnọ vwẹ obọ rọye idjerhe rọ phiọnre vwọ kẹ oma rẹ avwanre, vẹ emọ rẹ avwanre kugbe ekuakua rẹ avwanre vwori ejobi.

Iruo rẹ Iyinkọn na 10:30

Kọniliọs da ta, Ẹdẹ ẹnẹ re wanre, kerẹ unọke nana, me vwọ nẹ ẹrhovwo rẹ unọke rirhiri vwẹ evun rẹ uwevwi mẹ; nighe, ọshare ọvo vẹ iwun wrowro vwẹ oma, de mudia vwẹ obaro mẹ,

Iyẹnrẹ Esiri ri Luk 2:37

kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo.

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Une rẹ Ejiro 35:13

Ẹkẹvuọvo mẹvwẹ, re ayen vwọ mwọga– Mi de rhuo amwa rẹ uvweri, Mi de chiri oma mẹ owẹvwe. Me da ne ẹrhovwo gbe uyovwi mẹ phihọ agada,

Daniẹl 6:10

Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Nehemaya 9:1

Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Daniẹl 9:4

Me da nẹ ẹrhovwo kẹ Ọrovwohwo Ọghẹnẹ mẹ me da rhọvwe umwemwu mẹ tanẹ, E Ọrovwohwo Ọghẹnẹ rode ro muoshọ, rọ yọnre ọphọ vẹ ẹguọnọ ro jẹ rhẹriẹ kẹ ihwo re guọnerọ re da rha yọnre irhi rọye,

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Jona 3:5

Ihwo ri Ninivẹ de se Ọghẹnẹ gbuyota; ayen de ghwoghwo ewẹvwe e chiro, ayen da vwẹ isiso rhuo; nẹ ohwo rọ marho vwẹ ohri rayen re te omotete rẹ ayen.

2 Samuẹl 12:16

Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Matiu 17:21

Ẹkẹvuọvo oghẹre ọtiọna na se ruẹ-ẹ, jokpa rẹ ẹrhovwo kugbe owẹvwe echiro ọvo.