Daniẹl 9:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọ rhere ọ da ta kẹ vwẹ, E Daniẹl, asakiephana me rhere rhe vwẹ ọhọ vẹ aghwanre kẹ wẹ.

Daniẹl 9:22 Referans Kwoze

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Daniẹl 8:16

Mi de nyo urhuru rẹ ohwo ọvo vwẹ uvwre rẹ eghẹn rẹ Ulai na; o de se, Gabriẹl, ru ohwo nana rọ riẹn otọ rẹ emramrẹ na.

Zekaraya 1:9

Ọye Me da ta, Enana kidie vwo, Ọrovwohwo? Amakashe ro nene uwe ta ota na da ta kẹ vwẹ, mi che dje obo rẹ ayen epha kẹ wẹ.

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.

Zekaraya 1:14

Etiyin na amakashe ro nene uvwe ta ota na da ta kẹ vwẹ, kperi phia, E nẹ Ọrovwohwo rẹ otuofovwi tare. Me reoma kpahe Jerusalẹm vẹ Zayọn gangan.

Daniẹl 7:16

Mi de sikẹrẹ ohwo ọvo vwẹ usun rẹ ihwo ri mudia vwẹ etiyin na me da nọ kpahe uyota rẹ emu nana ejobi. Etiyin ọ da ta kẹ vwẹ, ọ da vwẹ otọ rẹ emu na ejobi vwọ nẹ vwẹ.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Daniẹl 10:11

Ọ da ta kẹ vwẹ, E Daniẹl, ohwo re vwo ẹguọnọ kẹ gangan, kerhọn rẹ ota re me ta kẹ wẹ na, mudia kpoma vi, kidie asakiephana e ji vwẹ bru we rhe. Rọ vwọ ta ota nana kẹ vwẹ re, mi de vrẹn mudia ke me phariẹ.

Daniẹl 10:12

Etiyin ọ da ta kẹ vwẹ wọ djẹ ọshọ-ọ, Daniẹl, kidie rhanvwẹ ẹdẹ rẹsosuọ ru wọ vwọ vwẹ udu kpahe otọ vwọ kẹ ẹruọ rẹ ọta na wọ ke rha vwẹ oma kpotọ vwẹ obaro rẹ Ọghẹnẹ wẹn na, eta wẹn enyo ayen, ke me rhere fiki rẹ eta wẹn na.