Daniẹl 8:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Daniẹl 8:11 Referans Kwoze

Daniẹl 12:11

Nẹ ọke ra cha vwọ reyọ izobo rẹ ẹtorhẹ rẹ kọke kọke na yanran, rẹ ẹguegbe rọ nẹrhẹ asan kua fiọtọ re che vwo muo viẹ, ko dia ẹdẹ uriori gbe ujori ivẹ gbe ujọne gbẹ ihwe.

Daniẹl 11:31

Ihwo rẹ ofovwi rọye ke cha vwẹ oma phia ki che gbe uwevwi rẹ Ọghẹnẹ na ẹgua vẹ ọgba na, kọ reyọ izobo rẹ ẹtorhẹ re kọke kọke na no. Kẹ ayen cha vwẹ imu rẹ ẹgua re guọghọ asan na vwo muẹ.

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

Izikiẹl 46:14

Kẹ ọ je vwẹ izobo rẹ ọka vwọ ba kirhiọke kirhiọke, ẹkesan rẹ iputusẹ ọvo, akarha rẹ ukoko rẹ evwri re vwo gbe ọka na, rọ dia kerẹ izobo rẹ ọka ke Ọrovwohwo. Ọnana kọ dia urhi rẹ izobo ẹtorhẹ vwẹ ọke ejobi.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Daniẹl 8:12

Otu na vẹ izobo ra tọrhe kẹ kọke kọke na fiki rẹ ẹguegbe na e de mie ayen vwọ kẹ, a da guọghọ uyota te otọ, O de yovwi kẹ ighoro na vwẹ emu ejobi ro ruẹ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Jerimaya 48:42

a cha ghwọrọ Moab o gbe dia ihwo ọfa-a, fikiridie o muoma kpenu kpahe Ọrovwohwo.

Jerimaya 48:26

Ruo re idi muo, fikiridie ọ kpare oma kpenu kpahe Ọrovwohwo, ọtiọye Moab cha vwẹ obo rọkpare vwo ghworo oma, ekpuyovwi rọye rhe ka cha vwọ jehwẹ.

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Ukeri 28:3

Ku wọ ta kẹ ayen, ọnana kẹ izobo rẹ erhanre rẹ ovwan che ze kẹ Ọrovwohwo na: imigodẹ rẹ eshare ivẹ rẹ ẹgbukpe ọvo ro vwo eka-an, kẹdẹ kẹdẹ, rere ọ dia izobo re kọke kọke.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Daniẹl 8:24

Ogangan rọye kọ cha rho, kọ cha guọghọ eguọghọ ro muoshọ, kemu kemu ro ruru ejobi ko shephihọ kẹ, kọ guọghọ eshare vẹ ẹgba kugbe ihwo efuanfon na.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.