Daniẹl 6:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Etiyin oma da vwerhe ovie na gangan, ọ da tanẹ a reyọ Daniẹl nẹ ẹmwa na rhe, Etiyin a da reyọ Daniẹl nẹ ẹmwa rhe, emu ọvuọvo ruro-o fikiridie ọ vwẹ ẹroso Ọghẹnẹ rọye.

Daniẹl 6:23 Referans Kwoze

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

Daniẹl 3:25

Ọ da kpahe, Ẹkẹvuọvo me mrẹ eshare ẹne ra rhan ufi nu re yan vwẹ evun rẹ erhanre na, erhanre na torhẹ aye-en, oma rẹ ohwo rẹ ẹne na da họhọ ọmọ rẹ eghẹnẹ.

Iyẹnrẹ Esiri ri Mak 9:23

Jesu da ta kẹ, wo de se ru! Emu na ejobi ọlọlọhọ kẹ ọ ro segbuyota.

Daniẹl 6:18

Etiyin Ovie na da yanran kpo ighẹn rọyẹ, ọ de chiri owẹvwe vwẹ ason yena ejobi, o vwo iroro ọfa ra ghwe bro ra-a, ọ vwerhẹre kakaka-a.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Une rẹ Ejiro 37:40

Ọrovwohwo cha ayen uko o mi sivwi ayen, o sivwi ayen nẹ obọ rẹ ihwo umwemwu, ọ me sẹro rẹ ayen, kidie ayen si oma nu vwe evun rọye.

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Daniẹl 6:14

Etiyin ovie na, ọke ro vwo nyo eta nana, o de mu oma phiho ko roro obobo ro ru siobọ nẹ Daniẹl; ọ da wian rhirhi bẹsiẹ rẹ ọnre vwo she kpotọ ro vwo sivwo.

1 Ivie 5:7

Ọke ri Hiram vwo nyo ovuẹ ri Solomọn, oma da vwerhọ gangan, ọ da ta, Ebruba kẹ Ọrovwohwo nonẹ, ro vwẹ ọmọ Ọghwanghwanre kẹ Devid rọ re vwẹ enu rẹ ihwo ride nana.

Ẹyano 18:9

Oma da vwerhe Jẹtro fiki rẹ emu esiri ejobi rẹ Ọrovwohwo ru kẹ Izrẹl, ro vwo si ayen nẹ obọ rẹ ihwo rẹ Ijipt.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Une rẹ Ejiro 18:21

Kidie me yọnrọn idjerhe re Ọrovwohwo, me vwẹ uvumwemwu hẹriẹ oma nẹ Ọghẹnẹ mẹ-ẹ