Daniẹl 6:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin ovie na de ji urhi a da ghene reyọ Daniẹl rhe ayen de muo teye unu rẹ ikpohrokpo. Ovie na da ta kẹ Daniẹl, E jẹn Ọghẹnẹ wẹn ru wọ ga ọke ejobi sivwi uwe.

Daniẹl 6:16 Referans Kwoze

ỌBE RẸ JOB 5:19

O che sivwi uwe nẹ okpetu esan, vwẹ ighwrẹ umiovwo ọvuọvo che te we oma-a.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Iruo rẹ Iyinkọn na 25:11

Ọ da dianẹ mi ru oruchọ, re me da chọ urhi ro fo ughwu, me guọnọre nẹ me pharhe vabọ-ọ; ẹkẹvuọvo urhi na rhe mu vwe-e, ohwo ọvuọvo sa vwẹ ovwẹ kẹ aye-en. Mi mu ẹdjọ mẹ rhe Siza.

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Ọbe ri Pọl si rhe Ihwo ri Rom 13:3

Kidie isun na se mue kpahe ihwo esiri-i, ẹkẹvuọvo vwọ kpahe ihwo ebrabra. Oshọ rẹ otu ra vwẹ ogangan rẹ isuesun kẹ na rhe mu uwe? Gbe ru obo ri yoma, kẹ ayen jiri uwe.

Daniẹl 6:7

Itidiaga rẹ uvie na ejobi, inotu vẹ ehọnvwọre, ediaguare, kugbe isun ride na koko jẹ iroro nẹ ovie ji urhi rọ nabọ jẹ yọnrọn gan, tanẹ, kohwo kohwo rọ nẹ ẹrhovwo kẹ kọghẹnẹ kọghẹnẹ ejobi eyẹ ohwo, jokpa wẹ ọvo, E ovie, ke muo teye unu rẹ ikpohrokpo.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Jerimaya 38:5

Ovie Zedekaya da ta, Nighe, ọ hẹ abọ rẹ ovwan; kidie ovie na se ru emuọvo kpahe ovwa-an.

Jerimaya 26:14

Ẹkẹvuọvo vwọ kẹ vwẹ, nighe, me hẹ obọ rẹ ovwan. We ru vwe obo ri yovwiri ro ji shehọ kẹ ovwan.

Iruo rẹ Iyinkọn na 25:9

Ẹkẹvuọvo ri Fẹstọs, vwọ guọnọ ọghọ mu kẹ ihwo ri Ju, ọ da ta kẹ Pọl, Wọ guọnọ nẹ wo kpo Jerusalẹm, rere a dia oboyi de guẹdjọ rẹ irhi nana re vwo mu we na kẹ vwẹ?

Iruo rẹ Iyinkọn na 24:27

Ẹkẹvuọvo ọke rẹ ikpe ivẹ vwọ wan nu, Pọkiọs Fẹstọs de rhi wene Fẹliks; re o vwo phoro aro kẹ ihwo ri Ju, ọ da yan jẹ Pọl vwo vwẹ uwodi.

2 Kọrẹnt 1:10

ọ rọ sivwi avwanre nẹ ukpokpogho rẹ ughwu rode na, ko ji sivwi avwanre; ọye me phiẹrọhọ nẹ ọ je rhoma sivwi avwanre.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Jerimaya 38:6

Eriyin ayen de mu Jerimaya phihọ orhare ri Malkaya, ọmọ rẹ ovie, ro hẹ evun rẹ ọguan rẹ ohẹrhe na, a da vwẹ ifi lọrọ Jerimaya kpo obotọ. Ame herọ-ọ, ẹkẹvuọvo ibrehre ọvo, Jerimaya de sheruẹ ibrehre na.

Jerimaya 39:17

Ẹkẹvuọvo mi che sivwi we vwẹ ẹdẹ yena, Ọrovwohwo re tarọ, e se phi we phihọ obọ rẹ ihwo re wọ djẹ oshọ rayen na-a.