Daniẹl 5:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wẹ rẹ ọmọ rọye, Bẹlshaza, wọ rha vwẹ udu wẹn kpotọ-ọ, dede ju wọ riẹn ọnana ejobi,

Daniẹl 5:22 Referans Kwoze

2 Ikun rẹ Ivie 33:23

Ọ rha vwẹ oma rọye kpotọ kẹ Ọrovwohwo-o, kirobo ri Manasse ọsẹ rọye vwẹ oma kpotọ, ẹkẹvuọvo Amọn nana da re abe rhurhu abe.

Ẹyano 10:3

Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Jems 4:17

Ohwo rọ riẹn emu esiri ro ru, o rhe ruo-o, kẹ umwemwu ọ dia vwọ kẹ.

2 Ikun rẹ Ivie 36:12

O de ru obo re brare vwẹ obaro rẹ Ọrovwohwo Ọghẹnẹ rọye. Ọ vwẹ oma kpotọ kẹ Jẹrimaya ọmraro na-a, rọ ta ota nẹ unu rẹ Ọrovwohwo cha vwọ kẹ.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Iyẹnrẹ Esiri ri Luk 12:47

Odibo yena rọ riẹn uruemu rẹ onini rọye jovwo, ẹkẹvuọvo o rhe muegbe-e eyẹ o ruru kirobo rẹ ọhọre rọye epha-a, ke hwe gangan.

Matiu 21:32

Kidie Jọn bru ovwan rhe vwẹ ọ rẹ ọvwata, ovwan sere gbuyota-a, ẹkẹvuọvo otu rẹ imiarhọghọ kugbe igberadja na sere gbuyota; ovwan re mrẹrẹ dede na se kurhẹriẹ we de segbuyota-a.

Matiu 14:4

Fikiridie Jọn sen kẹ nẹ, o fori wọ vwọ reyọ aye rẹ oniọvo wẹ vwọ rọvwọ-ọ.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Aizaya 26:10

Ọ da dianẹ e ru emu esiri kẹ oruimwemwu, o se yono phihọ ohwo esiri-i; vwẹ evun re otọ re evwata na, o ji ruẹ igburuku, ọ sa mrẹ ogangan rẹ Ọrovwohwo vughe-e.

Une rẹ Ejiro 119:46

Mi gbe ikun rẹ iseri wẹn vwẹ obaro rẹ ivie, oma gbe rha vo vwẹ-ẹ,

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 14:13

Wọ da ta vwẹ udu wẹn. Mi yeri kpo odjuvwu; vrẹn isio rẹ Ọghẹnẹ. Ke me bọn ekete mẹ phihọ obenu, Ki mi tidia vwẹ enu rẹ ugbenu rẹ ọghwẹgbe rọ he obenu shesheri,