Daniẹl 4:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Evwerhẹ nana kọye mẹvwẹ, Ovie Nebukadneza, vwerhẹre. We, E Belteshaza, fan otọ rọye, fikiridie ihwo ri vwo aghwanre vwẹ uvie mẹ na, sa fan otọ rọye kẹ vwẹ-ẹ ẹkẹvuọvo wo se ruo, kidie erhi rẹ eghẹnẹ efuanfon na hẹ evun wẹn.

Daniẹl 4:18 Referans Kwoze

Daniẹl 5:15

Asakiephana evwaghwanre vẹ otu rẹ idjene na, e se ayen rhe obaro mẹ rere ayen se obo re siri na, re ayen rha fan otọ rọye kẹ vwẹ; ẹkẹvuọvo ayen sa fan otọ rẹ ota na-a.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Daniẹl 5:8

Etiyin evwaghwanre rẹ ovie na ejobi da rhe, ẹkẹvuọvo ayen se se obo re siri na, yẹrẹ sa fan otọ rọye kẹ ovie-e.

Jẹnẹsis 41:15

Fero da ta ki Josẹf, Me vwerhẹ evwerhẹ, a rha mrẹ ohwo ọvuọvo rọ sa fan otọ rọye-e; mi nyori nẹ a da ta evwerhẹ kẹ wẹ ku wọ sa fan otọ rọye.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Daniẹl 2:7

Ayen da kpahe vwẹ obọ rivẹ, E jẹn ovie ta evwerhẹ na kẹ idibo rọye, kẹ avwanre fan otọ rọye kẹ wẹ.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Jẹnẹsis 40:12

Etiyin Josẹf da ta kẹ, Ọnana otọ rọye: eghọn erha na eye ẹdẹ erha;

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Daniẹl 2:38

je vwẹ obọ wẹn o phi emu na ejobi phihọ, kasan kasan rẹ ayen epha ejobi, emọ rẹ ihwo, eranvwe rẹ aghwa te ephran rẹ irharheghe, ọ da tanẹ wo sun ayen ejobi–wọwe ọye uyovwi rẹ oro na.