Daniẹl 3:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Etiyin ehọnvwọre na, inotu na, isun na, vẹ ediaguare rẹ ovie na da ghwẹ koko, ayen da mrẹ nẹ erhanre na vwo ogangan vwẹ oma rẹ eshare na-a; ẹto rẹ uyovwi rayen torhẹre-e, emwa rayen tonro-o, e nyo ọnrhe rẹ erhanre vwẹ ayen oma-a.

Daniẹl 3:27 Referans Kwoze

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Iruo rẹ Iyinkọn na 27:34

Vwẹ ọtiọye na me rẹ ovwan nẹ wa re emu, ọ ke ovwan ogangan, kidie ogẹto rẹ uyovwi rẹ ovwan ọvuovo che ghwru-u.

Matiu 10:30

Ẹkẹvuọvo ogẹto rẹ uyovwi rẹ ovwan na e kere ayen.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Ivie rẹ Ivẹ 19:19

Ọtiọye asakiephana, E Ọrovwohwo Ọghẹnẹ rẹ avwanre, sivwi avwanre, me rẹ wẹ, nẹ obọ rọye, rere ivie rẹ akpo na ejobi vwọ riẹn E Ọrovwohwo nẹ wọwẹ ọvo Ọghẹnẹ na.

Daniẹl 3:21

Etiyin eshare nana da vwẹ emwa rayen vẹ iwun rayen vwọ gba ayen kugbe erhu rayen a da kpare ayen phihọ ogidi erhanre na.

Iruo rẹ Iyinkọn na 26:26

Kidie ovie riẹn kpahe imu nana ejobi, wẹ kọye me ta kẹ gbonozẹ na; kidie o mu vwe ẹro nẹ imu nana ọvuọvo ro pho we wan herọ-ọ, kidie e ru onana vwẹ ehoho-o.

Daniẹl 6:7

Itidiaga rẹ uvie na ejobi, inotu vẹ ehọnvwọre, ediaguare, kugbe isun ride na koko jẹ iroro nẹ ovie ji urhi rọ nabọ jẹ yọnrọn gan, tanẹ, kohwo kohwo rọ nẹ ẹrhovwo kẹ kọghẹnẹ kọghẹnẹ ejobi eyẹ ohwo, jokpa wẹ ọvo, E ovie, ke muo teye unu rẹ ikpohrokpo.

Daniẹl 6:23

Etiyin oma da vwerhe ovie na gangan, ọ da tanẹ a reyọ Daniẹl nẹ ẹmwa na rhe, Etiyin a da reyọ Daniẹl nẹ ẹmwa rhe, emu ọvuọvo ruro-o fikiridie ọ vwẹ ẹroso Ọghẹnẹ rọye.

1 Ivie 13:28

ọ da yanran ra mrẹ orivwi rọye ra kpare phihọ idjerhe, te ekẹtẹkẹtẹ na te okpohrokpo na mudia kẹrẹ orivwi rọye. Okpohrokpo na je re orivwi na-a. eyẹ ke chaghọ ekẹtẹkẹtẹ na-a.