Daniẹl 2:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ovie na da ta kẹ Daniẹl, re se odẹ rọye Bẹlteshaza, Wọ sa ta evwerhẹ re me vwerhẹre na kẹ vwẹ, re wọ da je sa fan otọ rọye kẹ vwẹ?

Daniẹl 2:26 Referans Kwoze

Daniẹl 1:7

Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.

Daniẹl 5:16

Ẹkẹvuọvo mi nyori nẹ wọ sa fan otọ rẹ emu kugbe obo re bẹn kẹ ohwo ejobi. Asakiephana wo de se se obo re siri na wọ da rha fan otọ rọye kẹ vwẹ, ka vwẹ amwa rẹ isene vwo rhuo we, e mi rhe ku ọjọnrọn rẹ oro phihọ ohọre wẹn, ku wọ cha dia ohwo rerha ro suẹn vwẹ uvie na.

Daniẹl 5:12

Fikiridie erhi esiri, erianriẹn, vẹ ọhọ ra vwọ fan otọ rẹ evwerhẹ, kugbe ido, kugbe ohwo rọ sa fan otọ rẹ emu ọbẹnbẹn obọ ri Daniẹl a da mrẹ, ohwo rẹ ovie se nẹ Bẹlteshaza. Asakiehana, je re se Daniẹl rhe, kọ cha fan otọ rọye.

Daniẹl 4:8

Ukuko rọye, Daniẹl de rhe mudia vwẹ obaro mẹ–ohwo re wene odẹ rọye phihọ Bẹlteshaza, odẹ rẹ ẹdjọ mẹ, ohwo re erhi rẹ eghẹnẹ efuanfon vọn oma–me da ta evwerhẹ na kẹ, tanẹ,

1 Samuẹl 17:33

Sọl da ta kẹ Devid, Wọ sa ra ra họnre ohwo ri Filistia nana-a; kidie omotete wo ruẹ, yẹ ekpuyovwi rọye ohwo rẹ ofovwi nẹ emọ rhe.

Jẹnẹsis 41:15

Fero da ta ki Josẹf, Me vwerhẹ evwerhẹ, a rha mrẹ ohwo ọvuọvo rọ sa fan otọ rọye-e; mi nyori nẹ a da ta evwerhẹ kẹ wẹ ku wọ sa fan otọ rọye.

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.