Daniẹl 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Fiki rẹ ọnana ophu de mu ovie na ivun de ghwie mamọ etiyin ọ da tanẹ ehwe evwaghwanre ri Babilọn ejobi rẹ.

Daniẹl 2:12 Referans Kwoze

Daniẹl 3:13

Etiyin Nebukadreza vẹ ophu djọghọ djọghọ da ta nẹ a vwẹ Shadrak, Mẹshak vẹ Abẹdnigo rhe. Etiyin a da reyọ eshare nana rhe obaro rẹ ovie na.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Daniẹl 3:19

Etiyin ophu de mu Nebukadreza gangan, opharo rọye de kurhẹriẹ kpahe Shadrak, Meshak vẹ Abẹdnigo. O da ta nẹ e koko ogidi erhanre na rọ la ga nọ obo rẹ ọ epha na asia ighwrẹ.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Daniẹl 2:5

Ovie na da kpahe kẹ ihwo ri Kaldia, Ota ro nẹ obọ mẹ rhe muero: wa gbe rha fan otọ rẹ evwerhẹ na kẹ vwẹ-ẹ, ka cha sanvwe abọ vẹ awọ nẹ ovwan oma, uwevwi rẹ ovwan ka je guọghọ ayen te otọ.

Isẹ 29:22

Ohwo ro muẹ ophu sua ohọnre, ohwo rọ fobọ muẹ ophu gbe ihwo buebu kuẹ.

Isẹ 20:2

Irhivwẹ rẹ ophu rẹ ovie deri ọ họhọ eguango rẹ okpohrokpo; ohwo rọ kpare ophu rọye ọ vwẹ arhọ rọye hwa osa.

Isẹ 19:12

Ophuemuo rẹ ovie họhọ eguango rẹ okpohrokpo, ẹkẹvuọvo ẹroesiri rọye họhọ irho rọ hẹ enu rẹ ẹbẹ.

Isẹ 16:14

Ivuemiovwo rẹ ovie ọye ikun rẹ ughwu, ọvwẹghwanre kọye ri se fue.

ỌBE RẸ JOB 5:2

Ghinẹ uyota ophuemuo hwe ẹkpa, omẹriọ hwe ovwibeghe.

Matiu 5:22

Ẹkẹvuọvo me ta kẹ ovwan nẹ, ohwo kohwo rẹ evun rẹ omoni rọye miovwiri ekueku, ke vwo gu ẹdjọ; ohwo kohwo ro harhe omoni rọye nẹ, Eghwobi, ke vwo guẹdjọ kẹ ukoko rẹ ihwo, ohwo rọ harhere nẹ, Wẹ ẹkpa na, kọ vwẹ ẹro siẹn oja rẹ erhanre ri bẹdẹ.

Daniẹl 2:24

Ọtiọye na Daniẹl de bru Ariọk ra, ohwo rẹ ovie vwo mu nẹ ọ guọghọ evwaghwanre ri Babilọn na; ọ yanran ọ da ra ta ọtiọna kẹ, wo hwe evwaghwanre ri Babilọni-i, reyọ ovwẹ rhe ovie na, rere me ra fan otọ rẹ evwerhẹ rọye na vwọ kẹ.

Daniẹl 5:19

Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.