Daniẹl 11:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ rẹ okuko na kọ cha rhe otọ rẹ ovie rọ obuko ọnre na, ẹkẹvuọvo ko che rhivwi kpo otọ rọye.

Daniẹl 11:9 Referans Kwoze

Daniẹl 11:5

Etiyin re ovie rẹ obuko ọnre kọ cha goma, ẹkẹvuọvo usun rẹ emọ rẹ ovie na ọvo cha goma nọ uvie rọye kọ cha dia uvie rode.

Daniẹl 11:8

Ọ je cha ghwẹ ẹdjọ rayen kpo Ijipt kugbe ema re duvwuru vẹ ekuakua rẹ idọnọ efuanfọn vẹ oro rọ ghare, vwẹ ikpe evo o rhe che nene ovie rẹ obọhwẹre ọnre na họnre-e.

Daniẹl 11:10

Emọ rọye ke cha kpare ofovwi, ayen me ghwẹ unuofovwi buebu koko, ke cha ghwẹ rhe rhe vọn asan ejobi reghe reghe, ayen me rha kpare ofovwi na rhiri re te ogba rọye.

Daniẹl 11:11

Ọke yena ophu ko che mu ovie rẹ obuko ọnre, ọ me kpare ohọnre bru ovie rẹ obọhwẹre ọnre rhe, kọ cha ghwẹ ihwo buebu koko, ẹkẹvuọvo e che phi ayen phihọ obọ rọye.

Zekaraya 6:6

Akpẹrẹ ro vwo iyesi ibebi na da yan hirhe aro ku orho rọ hẹ obọhwere ọnre, e re efuanfon na da yan hirhe aro ku orho rọ hẹ obuko ọnre, e re pha gbrogbro na da yan hirhe aro ku orho rọ he obọhwẹre ọnre.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.