Daniẹl 11:36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁶ Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 11:36 Referans Kwoze

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Daniẹl 8:19

O da ta, Nighe, me cha nẹrhẹ wọ riẹn obo re cha phia vwẹ obo oba rẹ ophu na, kidie ọ kpoma phihọ ọke rẹ obo oba re bruphihọ otọ na.

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

Daniẹl 11:16

Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Aizaya 14:13

Wọ da ta vwẹ udu wẹn. Mi yeri kpo odjuvwu; vrẹn isio rẹ Ọghẹnẹ. Ke me bọn ekete mẹ phihọ obenu, Ki mi tidia vwẹ enu rẹ ugbenu rẹ ọghwẹgbe rọ he obenu shesheri,

Ẹvwọphia 10:7

ẹkẹvuọvo vwẹ ẹdẹ rẹ amakashe righwrẹ na de che hworo oware, igbunu rẹ Ọghẹnẹ, kirobo ro ghwoghwo kẹ idibo rọye emraro na, ke che ruo gba.

Aizaya 10:25

Vwẹ ọmọke krẹn emerha ivuemiovwo mẹ ko vwo oba, ophu mẹ kọ cha garọ vi ẹghwọrọ rayen ọvo.

Une rẹ Ejiro 136:2

E vwẹ ẹkpẹvwẹ kẹ Ọghẹnẹ Osonobrughwẹ kidie ẹguọnọ rọye ro je rhẹriẹ na dia rhiri bẹdẹ.

Ẹvwọphia 17:17

kidie Ọghẹnẹ phiro phihọ udu rayen rere ayen vwo ru iroro rọye kọye ayen vwọ dia iroro ọvo rẹ ayen vwọ vwẹ ogangan rẹ ovie rayen vwọ kẹ eranvwe na, bẹsiẹ rẹ ota rẹ Ọghẹnẹ vwọ gba.

Ẹvwọphia 17:3

O de rhi mu uvwe yanran vwẹ evun rẹ Erhi na vwo kpo evun rẹ aghwa, me da mrẹ aye ọvo ro tidia vwẹ enu rẹ eranvwe ọvwavware ọvo rọ vọnre vẹ edẹ rẹ ophọphọvwe, o de vwo iyovwi ighwrẹ kugbe ighoro ihwe.

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

Iyẹnrẹ Esiri ri Jọn 6:38

Kidie mi nẹ obo odjuvwu rhe, rhi ru ọhọre mẹ-ẹ, ẹkẹvuọvo ọhọre rẹ ọ ro ji vwe rhe;

Iyẹnrẹ Esiri ri Jọn 5:30

Me sa vwẹ ogangan ru emuọvo-o; kirobo ri mi nyori, ọye mi guẹ nene; yẹ ẹdjọeguo mẹ ọ rẹ ọsoso, fikiridie mi ruẹ ọhọrobọ mẹ-ẹ ẹkẹvuọvo ọhore rẹ ọ ro ji vwe rhe.

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 11:3

Etiyin ovie rode ko che mu, ko che sun vẹ ogangan rode o mi rhe ru obo ri jere.

Daniẹl 8:4

Me da mrẹ egbo na rọ djẹ kpo obọhwẹre vẹ obenu vẹ obotọ rẹ akpọ na, o vwo eranvwe ọvuọvo ro se sivwi ohwo nẹ ogangan rọye-e, obo ri jere ọye o ruẹ, o de mu oma rọye kpenu.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Aizaya 46:10

rọ dje oba na nẹ etuọhọ rọye rhe nẹ awanre rhe imu ri ji ru-u tanẹ, Iroro Mẹ ri che mudia, Mi che ru iroro Mẹ ejobi gba,

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Une rẹ Ejiro 33:10

Ọrovwohwo hirhe umẹ rẹ ẹgborho na phihọ emu diọdi, ọ hra iroro rẹ ihwo na kufia.

Joshua 22:22

Ọgba ọvuọvo na, Ọghẹnẹ, Ọrovwohwo na! Ọgba Ọvuọvo na, Ọghẹnẹ, Ọrovwohwo na! Ọ riẹnre, ọ je nẹrhẹ okpuyovwi rẹ Izrẹl riẹn! Ọ da dianẹ fiki rẹ omukpahe eyẹ fiki rẹ urhi rẹ Ọrovwohwo egbe, wo gbi jẹ avwanre rho nonẹ-ẹ

2 Tẹsalonaika 2:3

We jẹ ohwo ọvuọvo phiẹn ovwan vwẹ idjerhe kidjerhe-e; kidie ẹdẹ yena ji te-e, jokpa nẹ ọ ro muẹ kpahe ihwo na ka rhe tavwe, ra da vwẹ onogbozighi na phia, kugbe ọmọ rẹ ughwru na,

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.

Izikiẹl 35:13

Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen.

Daniẹl 5:19

Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Daniẹl 11:37

Ọ cha davwerhọn rẹ ẹghẹnẹ rẹ esẹ rọye-e, yẹrẹ ohwo ọvo rẹ eya na ma guọnọ, ọ cha davwerhọn rẹ edjọ-ọ kidie o che mu oma rọye kpenu nọ ayen ejobi.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 10:23

Kidie Ọrovwohwo, Ọrovwohwo rẹ otuofovwi na, kọ cha vwe emu na ejobi te oba, kirobo ro jurhi, vwe uherevie rẹ akpọ na.

Aizaya 14:14

Mi yeri vrẹn enu rẹ irharheghe na, Ki mi ru oma mẹ kerẹ Ọ ro Me kpenu na.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 57:9

Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

Izikiẹl 28:2

Ọmọ rẹ ohwo, ta kẹ osun rẹ Taya, E nẹ Ọrovwohwo Ọghẹnẹ tare: Fikiridie udu wẹn herẹ, wọ da rha tanẹ, mẹvwẹ ọghẹnẹ, mi tidia agbara rẹ eghẹnẹ na, vwẹ uherevie rẹ abadi, yẹ ohwo wo ruẹ, wọ dia Ọghẹnẹ-ẹ, owene wo dje oma wẹn ghwanghwanre kerẹ oghẹnẹ–

Zekaraya 11:16

Kidie gbe nighere, Me vwẹ osuigegede ọvo mu vwẹ otọ na rọ cha kerhọn rẹ igegede ri ghwẹ na-a, eye ke guọnọ e re yan ghwrẹ na-a, eyẹ ki sivwi ri ghwu awọ na-a, eye ke ghẹrẹ erẹ oma ganre-e. Ẹkẹvuọvo kọ ria otu rẹ oma ronri, savwe ephiẹ rayen nẹ ayen awọ.