Daniẹl 11:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Kpregede na, ọ cha rhe ubrete rọ me fe vwẹ otọ na; ko che ru obo rẹ esẹ roye, yerẹ esẹ rẹ esẹ roye ji ru dẹvo-o, kọ vẹn ayen gborhọ ayen, ekuakua rẹ ugborho, kugbe ekuakua ejobi. Asan rọ ma gan ejobi ọ cha vwẹ ona reyọ ayen, ẹkẹvuọvo ọmọke krẹn.

Daniẹl 11:24 Referans Kwoze

Matiu 9:4

Jesu vwọ riẹn iroro rayen, ọ da ta nẹ, Die ovwan vwo roro iroro omiomiovwi vwẹ udu rẹ ovwan?

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Izikiẹl 38:10

E nẹ Ọrovwohwo Ọghẹnẹ tare: Vwẹ ẹdẹ yena iroro ke cha djẹ ro wẹ evun, ku wọ cha jẹ iroro umwemwu.

Isẹ 23:7

kidie ọhọhọ ohwo rọ vwẹ obo evun guẹn nẹ, Re rere wọ da! ẹkẹvuọvo o nẹ evun rọye rhe-e.

Isẹ 19:6

Ihwo buebu eye guonọ ẹse rẹ oruẹse, ohwo ro ruẹ ọghọ ugbeyan rẹ ihwo ejobi ọ dia.

Isẹ 17:8

Udiẹjẹ họhẹ ukọkọghọ rẹ inehweri vwẹ obọ rẹ ohwo rọ jẹrẹ; kasan kasan ro bioma phihọ ko yovwi kẹ.

Nehemaya 9:25

Ayen de mie ayen irere ra gba ogba phihọ kugbe otọ oyoyovwi, ayen da kua ro iwevwi re vọnre vẹ emu esiri, iphrophro rẹ ame ra tọn phihọ otọ, ogba ri vain, ọgbọ rẹ oliv ve irhe re mọ emamọ buebu, otiọye ayen da re, evun da vọn ayen ayen da rhe dia tubie tubie, oma da vwerhe ayen vwẹ emu esiri wẹ rode.

Iguẹdjọ 9:4

Ayen da reyọ ibi rẹ idọnọ efuanfon ujorha gbe ihwe nẹ evun rẹ uwevwi ri Baalberit vwọ kẹ Abimẹlẹk, ọ da vwẹ igho na vwo durhie ihwo re epha Zighizighi ri gbosoghoro, ayen da yan nene.

Ukeri 13:20

sẹ otọ na rayen dia na yovwẹ emu eyẹ oyovwẹ-ẹ, sẹ irhe herọ eyẹ e herọ-ọ. We yivwaro, wa ghwa emamọ rẹ otọ na ẹvo rhe. Ọke yena da dia ọke rẹ ibi rẹ irhe re ẹsosuọ vwọ vwara.

Izikiẹl 34:14

Ke me vwẹ omamọ rẹ egbri ghẹrẹ ayen, vwẹ obenu rẹ igbenu rẹ Izrẹl na kọye egbri rayen cha dia, etiyin ayen de che shevwerhẹ vwẹ omamọ rẹ otọ rẹ egbri, vwẹ enu rẹ egbri gbọdọ gbọdọ ọye ayen da cha ria vwẹ enu rẹ igbenu rẹ Izrẹl.

Daniẹl 11:23

Nẹ ọke rẹ ayen vwọ mu ugbeyan rhe, uruemu rẹ ephiaphiẹn kọye o che ru, ọ vẹ imihwo krẹn ri che nene.