Daniẹl 11:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Nẹ ọke rẹ ayen vwọ mu ugbeyan rhe, uruemu rẹ ephiaphiẹn kọye o che ru, ọ vẹ imihwo krẹn ri che nene.

Daniẹl 11:23 Referans Kwoze

Daniẹl 8:25

Vwẹ oma rẹ aghwanre ro ruẹ efian ko che yovwi vwẹ obọ rọye, kọ cha vwẹ ọhọrobọ rọye vwọ kpare oma rọye kpenu. O cha vwẹ ovuẹ rhe rọ ke guọghọ ihwo buebu-u, ọ cha tobọ mu kpahe Ọmọ rẹ ivie na; ẹkẹvuọvo, o dia obọ rẹ ohwo rẹ akpọ a cha vwọ guọghọ-ọ.

2 Tẹsalonaika 2:9

Ẹcha rẹ onogbozighi na vwẹ oma rẹ iruo rẹ Idẹbono na ọ cha rhe vẹ ogangan ejobi vẹ eka rẹ ọphiẹvwẹ kugbe igbunu.

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

Ọbe ri Pọl si rhe Ihwo ri Rom 1:29

Udu rayen da vọn vẹ orukuruku, ozighi, urhuru, ọhoho. E vọnre vẹ omẹriọ, ozighẹ, ẹghwọ, ophiẹvwe, ota ọbrabra, iguegu,

Isẹ 11:18

Ohwo umwemwu osa rẹ ọphiẹnvwe ọye o vwo, ẹkẹvuọvo ohwo rọ kọn omamọ rẹ esiri ughwẹ rọye muero.

Une rẹ Ejiro 52:2

Ẹrenvwe wẹn pha dandan kerẹ anre, wọwẹ oruiruo re ogbarogba na.

Jẹnẹsis 34:13

Emọ ri Jekọp da vwẹ ophiẹvwe kpahe ki Shikẹm vẹ ọsẹ rọye Hamọr, kidie o gbe Dinah rẹ oniọvo rayen ẹgua.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Daniẹl 11:24

Kpregede na, ọ cha rhe ubrete rọ me fe vwẹ otọ na; ko che ru obo rẹ esẹ roye, yerẹ esẹ rẹ esẹ roye ji ru dẹvo-o, kọ vẹn ayen gborhọ ayen, ekuakua rẹ ugborho, kugbe ekuakua ejobi. Asan rọ ma gan ejobi ọ cha vwẹ ona reyọ ayen, ẹkẹvuọvo ọmọke krẹn.

Daniẹl 8:24

Ogangan rọye kọ cha rho, kọ cha guọghọ eguọghọ ro muoshọ, kemu kemu ro ruru ejobi ko shephihọ kẹ, kọ guọghọ eshare vẹ ẹgba kugbe ihwo efuanfon na.