Daniẹl 11:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin ko che hirhe epharo rọye ku ogba rẹ otọ rọye; ẹkẹvuọvo ọ cha kprowọ o mi she, a gbe cha mrẹ-ẹ.

Daniẹl 11:19 Referans Kwoze

Izikiẹl 26:21

Ki mi che ru oba wẹn muoshọ, wọ gbe cha dia ọfa-a; owenẹ a guọnọ owẹ dede, a gbe cha mrẹ wẹ ọfa-a, eriyin Ọrovwohwo Ọghẹnẹ tare.

Une rẹ Ejiro 37:36

Me rhoma wanvrẹn, mi de no, me gbe mrẹ ọfa-a; Me da nabọ fuẹrẹ, a gbe sa mrẹ-ẹ.

Jerimaya 46:6

Ọdjonẹ sa rhan kpo-o ọgbofovwi sa vabọ-ọ; vwẹ obọrhe ọnre vwẹ oma rẹ urhie ri Yufretis ayen da kprowọ she.

Une rẹ Ejiro 27:2

Ọke rẹ ihwo umwemwu da vwọ so vwẹ, ri de mu ofian bara ovwẹ, otu rẹ ukọn mẹ kugbe ivwighrẹ mẹ ayen cha yẹghrẹ ayen mi she.

ỌBE RẸ JOB 20:8

Ọ cha rhan yanran kerẹ evwerhẹn, a gbe mrẹ-ẹ, a cha djẹ kufia kerẹ emramrẹ rẹ ason.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Daniẹl 11:7

Vwẹ ọke yena oghọn ọvo kọ cha tan nẹ awọ rọye rhe vwẹ adia rọye; ko che nene unuofovwi na họnre kọ cha ro ogba rẹ ovie rẹ obọhwẹre ọnre, ọ ve ayen che phi ko che phi kparobọ.

ỌBE RẸ JOB 34:24

Ọ guọnọ otọ rẹ ọgba na tavwe rọ ke guọghọ-ọ, o mi phi ihwo efa phihọ edia rayen,

Une rẹ Ejiro 37:35

Me mrẹ oruimwemwu vwẹ evun re ogangan rode re, ọ da rho kpenu kerẹ uloho ri Lẹbanọn.