Daniẹl 11:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ O che mu opharo rọye vi rọ da rhe vẹ ogangan rẹ uvie rọye ejobi, ọ cha ghwẹ iroro rẹ ufuoma rhe o mi rhe ru ayen. Ọ cha vwẹ ọmọtẹ rọye vwo eya kẹ rọ vwọ sa guọghọ uvie na, ẹkevuọvọ o che mudia-a eyẹ o fi erere kẹ-ẹ.

Daniẹl 11:17 Referans Kwoze

Izikiẹl 4:7

Ku wọ tọn opharo wẹn vi imu ri Jerusalẹm, wọ me gba utehru mu ugbobọ wẹn, ku wọ mraro kpahe orere na.

Izikiẹl 4:3

Wọ reyọ ophapha rẹ utehru, re wọ vwọ gba ogba rẹ utehru phihọ uvwre wẹ vẹ orere na, re wọ tọn ẹro vio, rere ọ vwọ dia kerẹ asan ra bọn uwevwi rẹ ohẹrhẹ phihọ, rere wo nyẹ ohẹrhẹ na muo. Ọnana kẹ oka vwọ kẹ uwevwi rẹ Izrẹl.

Ivie rẹ Ivẹ 12:17

Ọke yena Hazẹl ovie ri Siria da kpare ohọnre vwọ so Gat, ọ da reyọ. Ẹkẹvuọvo ọke rẹ Hazẹl vwo hirhe opharo rọye ku Jerusalẹm,

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Iyẹnrẹ Esiri ri Luk 11:23

Ohwo rọ vẹ ovwẹ hẹ obọ-ọ yọ vwọ so vwẹ, ohwo rọ vẹ ovwẹ ghwẹ koko-o yọ hra.

Iyẹnrẹ Esiri ri Luk 9:51

Rẹ ọke vwo si kẹre ra cha vwọ reyọ kpenu, o da tọn opharo vi ro kpo Jerusalẹm. O de ji ikọn ka obaro kẹ,

Matiu 12:30

Ohwo rọ vẹ ovwẹ hẹ obọ-ọ yọ vwo so vwẹ; ohwo rọ vẹ ovwẹ gbeje koko-o yọ hra kufia.

Daniẹl 11:19

Etiyin ko che hirhe epharo rọye ku ogba rẹ otọ rọye; ẹkẹvuọvo ọ cha kprowọ o mi she, a gbe cha mrẹ-ẹ.

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Izikiẹl 25:2

Ọmọ rẹ ohwo, tọn opharo wẹn vi ihwo rẹ Ammọn, re wo mraro kpahe ayen.

Izikiẹl 17:17

Fẹro vẹ unuofovwi rọye rode vẹ usun rẹ ihwo buebu sa cha uko vwẹ ofovwi-i, vwẹ ọke ra da ghwẹ ẹkuekpẹn nyẹ ogba rẹ ofovwi na ra vwọ nyavwe ihwo buebu kufia.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Une rẹ Ejiro 56:9

Etiyin ivwighrẹ mẹ ki rhivwi te uko vwẹ ẹdẹ ri mi de se. Ọnana me riẹnre, nẹ Ọghẹnẹ vẹ ovwẹ obọ.

2 Ikun rẹ Ivie 20:3

Etiyin oshọ de mu Jehoshafat, ọ da ghwa fọkotọ rẹ duotọ rọye vwẹ obọ rẹ Ọrovwohwo, ọ de ghwoghwo nẹ Juda ejobi chiri owẹvwe.

Habakọk 1:9

Fiki rẹ ozighi ayen vwọ rhe; uguegue rẹ ayen ka obaro kẹ ayen. Ayen mu ighuvwu ka obaro kẹ ayen.