Daniẹl 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Daniẹl 11:16 Referans Kwoze

Daniẹl 8:9

Vwẹ oma rẹ ighoro ọvo vwẹ usun rẹ ighoro ẹne na imighoro ọvo tutuno da tan no rhe, rọ rhe rho gangan kpo obotọ, kpo obaro ọnre, ro kpo obo otọ rẹ urinrin na.

Daniẹl 11:41

Kọ che te otọ rẹ urinrin na. Ihwo uriori ihwe ki che she, ẹkẹvuọvo e che sivwi enana nẹ obọ rọye. Edọm vi Moab kugbe etọ rọ ma rhọ vwi Amọn.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 11:3

Etiyin ovie rode ko che mu, ko che sun vẹ ogangan rode o mi rhe ru obo ri jere.

Daniẹl 8:7

Me da mrẹ obo ro rhi bi kẹrẹ egbo na. Ophu de muo kpahọ, o de dje egbo na o de vwirhi ighoro rọye ivẹ na nu; egbo na rhe vwo ogangan ro se vwo mudia vwẹ obaro rọye-e, ẹkẹvuọvọ o muro teye otọ ọ da ro obenu rọye chiyi; o rhe vwo ohwo ọvuọvo ro se sivwi egbo na nẹ ogangan rọye-e.

Daniẹl 8:4

Me da mrẹ egbo na rọ djẹ kpo obọhwẹre vẹ obenu vẹ obotọ rẹ akpọ na, o vwo eranvwe ọvuọvo ro se sivwi ohwo nẹ ogangan rọye-e, obo ri jere ọye o ruẹ, o de mu oma rọye kpenu.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Daniẹl 5:19

Ọ da rho gangan, ihwo ejobi, ẹgborho vẹ ephẹrẹ vwọ phariẹ djẹ oshọ vwẹ obaro rọye; ohwo ro jere ọye o hwe, ọ rọ jere ọ mi jovwo nẹ ọ dia akpọ, o ro jere o mi vwo kpenu, o ro rhe je o mi vwo kpotọ.