Daniẹl 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Oma rọye da họhọ oragha re se bẹri, ọpharọ rọye da họhọ enu rọ nyavwarọ, ibiẹro rọye epha ke rẹ elo rẹ utuerhanre. Abọ rọye vẹ awọ rọye họhọ ẹrovwo ra fare, edo rẹ ota rọye da họhọ edo rẹ urogho.

Daniẹl 10:6 Referans Kwoze

Ẹvwọphia 19:12

Ẹro rọye vwara kerẹ erhanre, ọ da gba evwarha buebu mu uyovwi; e de si odẹ ọvo tamuo rẹ ohwo ọfa riẹnre-e jokpa rẹ ekpuyovwi rọye ọvo.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Izikiẹl 10:9

Mi vwo ni, me da mrẹ, idjugẹ ẹne vwẹ akakọ ri chẹrobim na, ọvuọvo vwẹ akakọ rẹ chẹrob ọvuọvọ, ophioma rẹ idjugẹ na họhọ ubioragha ro lo.

Izikiẹl 1:24

Ọke rẹ ayen da yan, ki mi nyo edo rẹ ibekpe rayen na kerẹ edo rẹ ame buebu, kerẹ agbrara rẹ Ọrovwoẹgba na, edo rimrẹrimrẹ kerẹ edo rẹ otuofovwi, vwẹ ọke rẹ ayen de mudia fọ gbiẹi, ayen mi phi ibekpe rayen na phihọ otọ.

Izikiẹl 1:16

Vwọ kẹ ugboma rẹ adjugẹn na vẹ obo re ruro wan: ugboma rayen lo wrowro kerẹ ughegbe; ayen ẹne na da họhẹ oma, obo re ru ayen wan da dia kerẹ adjugẹn rọ hẹ evun rẹ adjugẹn.

Izikiẹl 1:14

Eranvwe ekpokpọ na ki phọ krẹ krẹ kpenẹ kpenẹ, kerẹ enu rọ nyavwaro.

Ẹvwọphia 21:20

ọ riyori ọnix, ọ resan kanelia, ọ righwrẹ krisolait, ọ rẹrenre bẹril, o rirhiri topaz, ọ rihwe krisopas, ọ ruhwọvo jasint, ọ rihwivẹ ametist.

Ẹvwọphia 10:1

Etiyin me da mrẹ amakashe ọfa vẹ ẹgba ro wotọ nẹ odjuvwu cha, rọ vwẹ egho phopho, aphoro de mu vwẹ uyovwi rọye, opharo rọye da họhọ ọnre, awọ rọye da họhọ osunsun rẹ erhanre.

Iyẹnrẹ Esiri ri Luk 9:29

Rọ vwọ nẹ ẹrhovwo re, opharo rọye da rhẹriẹ, iwun rọye ke fuan puepue,

Izikiẹl 1:7

Awọ rayen pha phiọnphiọn, ẹhẹrhowọ rayen da họhọ ẹhẹrhowọ rẹ upene rẹ erhuẹn; ki lo kerẹ ẹrovwo ra fare.

Ẹyano 28:20

urhiẹ rẹne me dia beryl, onyz, vẹ jaspa, e mi phi ayen phihọ oga rẹ oro na.

Matiu 28:3

Oma rọye ko lo kerẹsiẹ rẹ enu a nyavwaro, ewun rọye kọ fuan toto kerẹ iphughẹ rẹ odja.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.

Solomon 5:14

Ọ gba igbabọ re oro phihọ, kugbe evwarha ra gba phihọ Ugboma rọye kerẹ ekoeni, Ọ da gba ivie phihọ.

Izikiẹl 40:3

Ọke rọ vwọ vwẹ ovwẹ te etiyin, nighe, ohwo ọvo hẹ etiyin, rẹ ekroma rọye họhọ ẹrovwo, ọ vẹ ọkpọ rẹ oruru kugbe ubiurhe rẹ ovwanvwọn vwẹ obọ rọye, ọ de mudia vwẹ anurhoro.

Izikiẹl 8:2

Etiyin mi de ni, nighe, ekroma rọ họhọ ohwo, vwẹ obotọ rẹ obọ re họhọ ehun rọye erhanre da herọ, nẹ ehun rọye kpenu da họhọ ugboma ro lo wrowro kerẹ ẹrovwo rọ nyavwaro.