Daniẹl 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Oke re ọke na rhe vwọ gba re rẹ ovie na vwọ tanẹ a gba vwẹ ayen rhe, ọlọri rẹ eghwanran na da ghwẹ ayen rhe obaro rẹ Nebukadreza.

Daniẹl 1:18 Referans Kwoze

Daniẹl 1:5

Emu esiri rẹ ovie na ria kọye ọ je ghare kẹ ayen kẹdẹ kẹdẹ, te udi rẹ okpuyovwi rọye je da. Ẹgbukpe erha ọye e vwo yono ayen, ọke rẹ ẹdẹ na de tere kẹ ayen che mudia phihọ obaro rẹ ovie na.

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 1:19

Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na.

Daniẹl 2:16

Etiyin Daniẹl yanran ọ da ra rẹ ovie na nẹ ọ vwẹ ọke kẹ ọye, rere ọ sa fan otọ rọye kẹ ovie na.