Aizaya 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Aizaya 9:4 Referans Kwoze

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Jerimaya 30:8

O de rhi te vwẹ ẹdẹ yena vwo obọ, eriyin Ọrovwohwo rẹ otuofovwi na tare, ke me cha ghwọrọ ọghwa na nẹ ayen ohọre, ke me savwe igoni rayen kufia, erhọrha gbe vwẹ ayen ru idibo ọfa-a.

Nahum 1:13

Asakiephana ki mi vwirhi urhekpe rọye nẹ uwe oma ke me sanvwẹ ifi wẹn vwrẹn.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Livitikọs 26:13

Mẹvwẹ Ọrovwohwo Ọghẹnẹ rẹ ovwan, rọ reyọ ovwan vwo nẹ otọ rẹ Ijipt rhe, rere ovwan vwo je eviẹn re Ijipt ẹdia, oghwa ọhọhọhọ rọ gere ovwan ehun jovwo mi siro no rere ovwan vwọ mrẹ asan yan kpoma vi.

Jẹnẹsis 27:40

Odan wẹ wọ vwọ riemu, ku wọ ga oniọvo wẹn; ẹkẹvuọvo wọ da pharhe vabọ ku wo vwirhi ọghrọrọ nẹ ohọre wẹn.

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Une rẹ Ejiro 125:3

Kidie ọkpọ rẹ ohwo umwemwu che se rovwoma-a vwẹ otọ ra ghare te ọvwata, ọ rha dia ọtiọye-e ọvwata kọ cha vwẹ abọ rayen ru obọ re chọre.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Une rẹ Ejiro 81:6

Mi de mie we oghwa rọ hẹ igabọ wẹn; e de si abọ wẹn nẹ obere na.

Aizaya 9:5

Kidie edo rẹ isabatọ rẹ ọgba ofovwi vwo chiyi otọ kugbe ewun ejobi ri gbunie ọbara ke torhẹ kerẹ irhe vwẹ erhanre.

Aizaya 16:4

jẹn erẹ a djẹ kufia vwi Moab kua bru ovwan rhe dia asan odjahọ kẹ ayen nẹ obọ rẹ oghwọrọ na. Ọke rẹ oshenyẹ ihwo na gbe herọ-ọ, re oghwọrọ na da da obọ ji, rẹ ọ ro chiyi ihwo muotọ na da ravwiẹn nẹ otọ na.

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Jerimaya 48:17

We muomahọ kẹ, ovwan re yariẹrẹ phihọ, Ovwan ejobi re riẹn odẹ rọye; tanẹ, Mavọ ọkpọ ọgangan na ru vwirhi, ọkpọ rẹ urinrin na.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.