Aizaya 9:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Aizaya 9:18 Referans Kwoze

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Une rẹ Ejiro 83:14

Kirobo re erhanre torhẹ egbo na, kirobo rẹ ogiderhanre la vwẹ enu rẹ igbenu na,

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Ẹvwọphia 14:11

Ivwirhi rẹ odjadja rayen na de ghworo kpenu rhiri bẹdẹ; ayen rhe vwo omaerovwo-o, ason eyẹ uvo-o, vwọ kẹ otu nana re gọ eranvwe na kugbe oma rọye, kugbe ohwo kohwo ro vwo oka rẹ odẹ rọye.

Hibru 6:8

Ẹkẹvuọvo ọ da rha dia ekpia vẹ idjigbẹ re djẹ rhe vwọ, yẹ otọ yena miovwiri kerẹ otọ re duvwu iyori phihọ; oba rọye ka torhẹ.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Emọs 7:4

Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Joẹl 2:20

Ki mi che bi ohwo rọ he obọhwẹre ọnre nẹ uwe oma, ke Me cha djẹ ra ro otọ ọyaya vẹ otọ ofefe, obaro rọye ra ro abadi rọ hẹ obaro ọnre, obuko rọye kpo abadi rọ he obuko ọnre; ọnrhe rọye ro gbo phi na ko che bru rhe kidie o ru okpemu rode.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Aizaya 33:12

Ihwo na ke dia kere ihwo re torhẹ hirhe phihọ iwurhie, kere inwe ra nyavwe she, ra torhẹ vwe evun re erhanre

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Une rẹ Ejiro 37:20

Ẹkẹvuọvo oruimwemwu cha ghwọrọ, ivwighrẹ rẹ Ọrovwohwo cha họhọ urinrin re ẹbe rẹ aghwa, ayen cha ranvwiẹ kufia kerẹ ivwirhi.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.

Une rẹ Ejiro 68:2

Kirobo rẹ ivwirhi djuẹ yanran na, eriyin wọ djẹ ayen kufia, kirobo rẹ orhọnrhe wran vwẹ erhanre na, jẹn ohwo umwemwu ghwọrọ vwẹ obaro rẹ Ọghẹnẹ.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

1 Ivie 16:21

Etiyin ihwo rẹ Izrẹl da ghare oma akava; abọvo rẹ ihwo na de nene Tibni ọmọ ri Ginat, rẹ ayen vwọ ma ovie, abọvo de nene Omri.

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.