Aizaya 9:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ikori ekpẹn na she re, ẹkẹvuọvo avwanre vwẹ eragha ra kare vwọ bọn, e she sikamọ na teye otọ ẹkẹvuọvo ke phi igedu phihọ ẹdia rọye.

Aizaya 9:10 Referans Kwoze

Malakae 1:4

Idọm da ta nẹ, a guọghọ avwanre ẹkẹvuọvo avwanre cha bọn ẹdia rọ guọghọre na ejobi, Ọrovwohwo rẹ otuofovwi na tare nẹ, Ayen che ghine bọn, ẹkẹvuọvo mi che kporo kuotọ, bẹsiẹ rẹ ihwo vwo mu odẹ kẹ ayen nẹ orho rẹ iruimwemwu, ihwo rẹ Ọrovwohwo mu kpahe bẹdẹ.

1 Ivie 10:27

Ovie na de ru idọnọ efuanfon kueku kerẹ ibiẹragha vwi Jerusalẹm, o de rhe ru igẹdu kueku kerẹ sikamọ ri Shephẹlah.

Iyẹnrẹ Esiri ri Luk 19:4

Ọtiọye na ọ da djẹ ka obaro re yeri urhe ri sikamọ re ọ vwọ sa mrẹ, kidie ọ cha wan idjerhe yena vrẹn.

Hosia 8:14

Kidie Izrẹl gbe karohọ Ọrọmarọ-ọ, ighẹn keye ayen bọn; Juda da bọn irere ra gba riariẹ pete pete; ẹkẹvuọvo mi che phi erhanre phihọ irere rọye, kọ torhẹ ogba ọgangan rọye.

Ivie rẹ Ivẹ 16:9

Ovie rẹ Asiria de nyo ọrọye; ovie rẹ Asiria da yanran kpo Damaskọs, ọ da kua, ọ da kua ihwo rọye kpo Kai, o de hwe Rezin.