Aizaya 8:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Aizaya 8:17 Referans Kwoze

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Une rẹ Ejiro 33:20

Erhi rẹ avwanre hẹrhẹ Ọrovwohwo, ọye ọchuko kugbe egbe rẹ avwanre.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Aizaya 59:2

ẹkẹvuọvo imwemwu wẹn phi ohẹriẹ phihọ uvwre wẹn vẹ Ọghẹnẹ wẹn, umwemwu wẹn nẹrhẹ o si opharo rọye nu kẹ wẹ fiki rẹ ọtiọye na o gbi nyo-o.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Hosia 12:6

Ọtiọye owẹ, vwẹ ọchuko rẹ Ọghẹnẹ wẹ, rhivwi rhe, yọnrọn ẹguọnọ vẹ ọsoso gan, re wọ hẹrhẹ Ọghẹnẹ wẹn kọke kọke.

Urhi Rivẹ 32:20

Ọ da tanẹ, Mi si opharo mẹ nu kẹ ayen, Me cha mrẹ obo rẹ oba rayen cha dia, kidie edje ogugunu ayen ruẹ, emọ rẹ uyota hẹ evun raye-en.

2 Tẹsalonaika 3:5

E jẹ Ọrovwohwo sun udu rẹ ovwan kẹ ẹguọnọ rẹ Ọghẹnẹ rere ovwan mudia gan kẹ Kristi.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Une rẹ Ejiro 39:7

Asakiephana, Ọrovwohwo, kidie me hẹrhẹ? Iphiẹrohọ mẹ he evun wẹ

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Une rẹ Ejiro 130:5

Me hẹrhẹ Ọrovwohwo, ẹnwẹ mẹ hẹrhẹ, vwẹ evun rẹ ota rọye me vwe ẹro so,

Jẹnẹsis 49:18

Me hẹrhẹ esivwo wẹn, E Ọrovwohwo.

Iyẹnrẹ Esiri ri Luk 2:38

Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.

Aizaya 64:4

Nẹ awanre rhe ohwo ọvo ji nyo-o eyẹ vwẹ erhọn nyo-ọ, ẹro je mrẹ Ọghẹnẹ ọfa chọ wẹ ra-a, ro ru iruo kẹ ihwo re hẹrhẹ owẹ.

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Une rẹ Ejiro 40:1

Mi hwe oma mu hẹrhẹ Ọrovwohwo; ọ ka erhọn mẹ o de nyo oviẹ mẹ.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Hibru 2:13

Ọfa, Ke me vwẹ ẹro suọ. Ọfa, Mẹvwẹ na, kugbe emọ rẹ Ọghẹnẹ vwọ kẹ vwẹ.

ỌBE RẸ JOB 13:24

Die sorọ wo vwo si opharo wẹn nu, ru wo vwo kerẹ uvwe phihọ ovweghrẹ wẹn?

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 45:15

Uyota, wẹ Ọghẹnẹ ro siẹ oma wẹn nẹ; E Ọghẹnẹ rẹ Izrẹl, Osivwi na.

Jerimaya 33:5

Ihwo ri Kaldia na cha ohọnre ayen me rhe vwẹ irivwi rẹ eshare ri mi che hwe vwẹ ophu vẹ ivuemiovwo mẹ vọn ayen; kidie mi si opharo mẹ nu kẹ orho nana vwi fiki rẹ umwemwu rayen.

ỌBE RẸ JOB 14:14

Ọda dianẹ ohwo ghwuru, ko je sa rhọ? Vwẹ ẹdẹ rẹ iruo mẹ ejobi ke me hẹrhẹ, bẹsiẹ rẹ obọ esiono mẹ vwọ rhe.

ỌBE RẸ JOB 35:14

Komavọ O ju we e nyo te ru wọ da ta nẹ wọ mrẹ-ẹ, nẹ ẹdjọ wẹn ọ hẹ obaro rọye, nu wọ je hẹrhẹ.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.