Aizaya 8:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo Ọrovwohwo rẹ otuofovwi na, ọye ọvo wọ reyọ nẹ ọ fonro rọ dia oshọ wẹn, re ọ je dia ophariẹ wẹn.

Aizaya 8:13 Referans Kwoze

Iyẹnrẹ Esiri ri Luk 12:5

Ẹkẹvuọvo mi dje ohwo rẹ ovwan djẹ oshọ rọye kẹ ovwan; Djẹ oshọ rẹ ohwo ro de hwe nu o mi vwo ogangan ro vwo mu phihọ erhanre; e, Me ta kẹ wẹ, djẹ oshọ rọye!

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Une rẹ Ejiro 76:7

Ẹkẹvuọvo wẹ, wo mu oshọ gangan! Ono se mudia vwẹ obaro wẹn siẹ rẹ ophu wẹn da kpare rhe?

Malakae 2:5

Ọphọ re me vẹ ọye gba re na ọphọ rẹ arhọ vẹ ufuoma, me da vwẹ ayen kẹ, rere oshọ vwo muo; ọ da ghine djẹ oshọ mẹ, udidi mẹ de muo.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Jẹnẹsis 31:53

Ọghẹnẹ rẹ Ebraham kugbe Ọghẹnẹ ri Nahọr, Ọghẹnẹ rẹ esẹ rayen, brorhiẹ rẹ avwanre. Etiyin Jekọp da vwẹ Oshọ rẹ ọsẹ rọye Aizik vwo duvwu iyori.

Ọbe ri Pọl si rhe Ihwo ri Rom 4:20

Udu rọye rhe yeghe kpahe ive rẹ Ọghẹnẹ vẹ kẹ-ẹ, ẹkẹvuọvo esegbuyota rọye da rhe gan phihọ ọ da vwẹ urinrin kẹ Ọghẹnẹ.

Ukeri 27:14

fikiridie wo vwo udu kẹ ota mẹ vwẹ evun rẹ aton ri Zin vwẹ ọke rẹ ukoko na vwo mukpahe ota mẹ, re vwo ru vwe fon vwẹ asan ame na vwẹ irharo rayen. (Enana ame ri Meriba ri Kadẹsh vwẹ evun rẹ aton ri Zin.)

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Ẹyano 20:20

Mosis da ta kẹ ihwo na, Wa djẹ oshọ-ọ, kidie Ọghẹnẹ rhe davwe ovwan ni, rere oshọ rọye vwọ dia ẹro rẹ ovwan, rere we jẹ imwemwu eruo.

Urhi Rivẹ 14:23

Vwẹ obaro rẹ Ọrovwohwo rẹ Ọghẹnẹ wẹn na, vwẹ asan rọ sanọre nẹ odẹ rọye dia na, Etiyin wọ da re ẹkẹnhwe rẹ ekankọn wẹn na, te wain wẹn, vẹ evwri wẹn, vẹ ẹkẹnhwe rẹ uchuru vẹ igegede wẹn; rere wọ vwọ mrasa yono oshẹdjẹ rẹ Ọrovwohwo Ọghẹnẹ wẹn vwẹ ọke ejobi.

Aizaya 5:16

Ẹkẹvuọvo Ọrovwohwo rẹ otuofovwi na kọye ọvo a kpare kpenu vwẹ ọsoso, Ọghẹnẹ Ọfuanfon na kọ vwẹ oma rọye phia ọfuanfon vwẹ ọvwata.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Livitikọs 22:32

Ovwan rhe miovwo odẹ ọfuanfon mẹ-ẹ, ẹkẹvuọvo e ja vwẹ ọghọ kẹ vwẹ vwẹ ohri rẹ ihwo rẹ Izrẹl :Mẹvwẹ Ọrovwohwo ro ru ovwan fon,

1 Samuẹl 11:7

Ọ da reyọ ekru rẹ irhuẹn, ọ da va ayen kẹnẹ kẹnẹ o de ji ihwo ghare ayen nene otọ rẹ Izrẹl ejobi, tanẹ, Kohwo kohwo ro rhe nene Sọl vi Samuelu-u, kẹ ọtiọna e ru kẹ kirobo re ru irhuẹn rọye na Etiyin oshọ rẹ Ọrovwohwo da ro ihwo na oma, ayen ejobi de bru use na.