Aizaya 7:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Vwẹ ẹdẹ yena Ọrovwohwo kọ vwẹ are wanre ihwo re durhie nẹ ovrẹn rẹ Urhie na rhe–vẹ ovie rẹ Asiria–uyovwi vẹ ẹto rẹ awọ ka je wanre ẹtuegba rayen rhe.

Aizaya 7:20 Referans Kwoze

Aizaya 8:7

fiki rẹ ọtiọye na nighe, Ọrovwohwo cha reyọ ame rẹ Urhie na vwo ku ayen ame rode buebu, ovie rẹ Asiria kugbe urinrin rọye ejobi; ame na ko che phoro igbo na ejobi kugbe egbẹn rayen,

Izikiẹl 29:18

Ọmọ rẹ ohwo, Nebukadreza ovie rẹ Babilọn da nẹrhẹ unuofovwi rọye wian owian gangan kpahe Taya, kuyovwi kuyovwi ejobi de gbe akpan kigabọ kigabọ ejobi da kpen bobobo, yẹ ekpuyovwi rọye eyẹ unuofovwi rọye mrẹ emu ọvuọvo mie Taya ro te vwọ hwa osa rẹ owian rẹ ayen wianre fiki rọye-e.

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Izikiẹl 29:20

Me vwẹ otọ rẹ Ijipt vwọ kpẹvwẹ ẹse kẹ wẹ kidie wọ wian phihọ, fikiridie ayen wian kẹ vwẹ, eriyin Ọrovwohwo Ọghẹnẹ tare.

Aizaya 11:15

Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Jerimaya 2:18

Ki didi erere ri te we ri wọ vwọ yan kpo Ijipt na, wọ vwọ da ame ri Nail na? eyẹ didi erere ri te we ri wọ vwọ yan kpo Asiria, ru wọ vwọ da ame rẹ Yufretis?

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Aizaya 36:1

Vwẹ ikpe ihwẹne rẹ Ovie Hẹzikaya, Senakerib ovie rẹ Asiria da kpare ofovwi vwọ so irere ri Juda ejobi ra gba ogba riariẹ ọ da reyọ ayen.