Aizaya 66:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ihwo ri phorho oma ri ru oma rayen fon vwọ rọ evun rẹ ogba na, ri nẹnẹ ọvo vwẹ uherevie, re ria uvwo re esi kugbe ẹgua kugbe ighresi, ayen ejobi ki che vwo oba kugbe, eriyin Ọrovwohwo tare.

Aizaya 66:17 Referans Kwoze

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Izikiẹl 4:14

Etiyin me da ta, E Ọrovwohwo Ọghẹnẹ! nighe, mi ji gbe oma me ẹgua dẹvo-o; nẹ imitete me rhe rhi te nonẹ na. Me je re obo ro mughwu-u eyẹ obo rẹ eranvwe hweri-i, eyẹ eranvwe rharhaphiẹ ji te unu mẹ-ẹ.

Livitikọs 11:29

Vwẹ usun rẹ erọvwọ nana ri biẹyi ejobi vwẹ enu rẹ otọ na, enana ijẹfuọn vwọ kẹ ovwan Ọkpọbia, Oghresi, Ọnwọnrhon vẹ oghoghẹre rọye,

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.