Aizaya 66:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Enẹ Ọrovwohwo tare: Odjuvwu he ekete Mẹ akpọ na kẹ asan Me ghwe awọ kpaha, ki didi uwevwi wa bọn kẹ vwẹ ki tivọ asan rẹ urovwoma Mẹ?

Aizaya 66:1 Referans Kwoze

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

1 Ivie 8:27

Ẹkẹvuọvo kẹ Ọghẹnẹ sa tobọ dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ uwevwi ọhahavwe nana re me bọnre na.

Une rẹ Ejiro 132:7

Jẹn avwanre kpo asan rọ dia; jẹn avwanre ra gọ vwẹ asan awọ rọye!

Une rẹ Ejiro 11:4

Ọrovwohwo ọ he evun rẹ uwevwi ọfuanfọn rọye, Ekete rẹ Ọrovwohwo ọ hẹ obo odjuvwu; ẹro rọye mrẹ, iphọphẹro rọye davwa, emọ rẹ ihwo rẹ akpọ.

2 Ikun rẹ Ivie 6:18

Ẹkẹvuọvo vwẹ ọ rẹ uyota na kẹ Ọghẹnẹ vẹ ihwo dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ umuwevwi nana re me bọnre na?

1 Ikun rẹ Ivie 28:2

Etiyin Devid de vrẹn mudia ọ da ta: Nyo vwe, imoni mẹ kugbe ihwo mẹ, mi vwo iroro vwẹ udu mẹ me vwọ bọn uwevwi rẹ omaerovwo kẹ ekpeti rẹ ọphọ rẹ Ọrovwohwo na, kugbe asan rẹ Ọghẹnẹ rẹ avwanre ghwẹ awọ phihọ; me da choma me vwọ bọn uwevwi na.

Une rẹ Ejiro 99:9

Jiri Ọrovwohwo na Ọghẹnẹ rẹ avwanre, ga vwẹ ugbenu ọfuanfon rọye, kidie Ọrovwohwo Ọghẹnẹ rẹ avwanre na ọfuanfon!

Matiu 24:2

Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 12:6

Ẹkẹvuọvọ me ta kẹ ovwan nẹ, ohwo ọvo rọ rho nọ uwẹvwi rẹ ẹga na hẹ etinẹ.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

2 Ikun rẹ Ivie 2:5

Uwevwi na re me cha bọn na cha rho, kidie Ọghẹnẹ rẹ avwanre na ọ rhonọ ẹdjọ ejobi.

Aizaya 60:13

Urinrin ri Lẹbanọn ko bru we rhe, Te owangha te afon, te ubioriẹn, ke cha vwẹ erhuvwu vwọ keẹ ẹshẹ Mẹ, ki Mi ru asan Me ghwẹ awọ phihọ vwo vwo urinrin.