Aizaya 65:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ri tidia vwẹ enu rẹ ishi, ri sioma nẹ vwẹ asan odjahọ vwẹ ason ejobi, re ria uvwo rẹ esi, re ria ukodo rẹ obo ri tuoma vwẹ itaso rayen;

Aizaya 65:4 Referans Kwoze

Aizaya 66:17

Ihwo ri phorho oma ri ru oma rayen fon vwọ rọ evun rẹ ogba na, ri nẹnẹ ọvo vwẹ uherevie, re ria uvwo re esi kugbe ẹgua kugbe ighresi, ayen ejobi ki che vwo oba kugbe, eriyin Ọrovwohwo tare.

Livitikọs 11:7

Kugbe esi, kidie ọ bẹre owọ ẹkẹvuọvo ọ rha ria egba-a, ọ rha fon kẹ ovwa-an.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Iyẹnrẹ Esiri ri Luk 8:27

Rẹ ayen ghwe rhi vwo te otọ, ohwo ọvo ro vwo idẹbono de nẹ evun rẹ orere na rhe vwa; rọ ban phihọ rhaha, ọ dia uwevwi-i ẹkẹvuọvo ohri re ishi.

Matiu 8:28

Ọke ro rhi vwo te ẹbẹre rivẹ rẹ orho ri Gadarin, ihwo ivẹ ri vwo erhi rẹ idẹbono re dia ohri rẹ ishi, i mu osho gangan, fiki rẹ eriyin na ihwo gbi yivwẹ wan idjerhe yena-a.

Izikiẹl 4:14

Etiyin me da ta, E Ọrovwohwo Ọghẹnẹ! nighe, mi ji gbe oma me ẹgua dẹvo-o; nẹ imitete me rhe rhi te nonẹ na. Me je re obo ro mughwu-u eyẹ obo rẹ eranvwe hweri-i, eyẹ eranvwe rharhaphiẹ ji te unu mẹ-ẹ.

Urhi Rivẹ 18:11

eyẹ ohwo ro ruẹ inehweri, eyẹ ohwo ro nene irivwi ta ota eyẹ ọrieda, eyẹ ohwo ro hrẹn.

Urhi Rivẹ 14:21

Wa re emu ro ghwuru-u; wọ sa vwọ kẹ ọrhorha ro wo orho wẹn re ọ riọ, eyẹ wọ sa shẹ kẹ ohwo rẹ isi; kidie ovwan ihwo efuanfon kẹ Ọrovwohwo Ọghẹnẹ rẹ ovwan na. Wo rho ọmọ rẹ ẹvwe vwẹ ame rẹ Ivie rẹ oni rọye-e.

Urhi Rivẹ 14:8

kugbe esi, kidie ọ hẹriẹ ichiotọ rẹ awọ rọye ẹkẹvuọvo ọ re egba-an, ọ fon kẹ wẹ-ẹ. Wọ ria uvwo raye-en, wọ vwẹ obọ te orivwi raye-en.

Urhi Rivẹ 14:3

Wọ re emuẹgha ọvuọvo-o.

Ukeri 19:11

Ohwo rọ vwẹ obọ te orivwi rẹ ohwo kohwo yo gbe ẹgua, ọ me dia etiyin ẹdẹ ighwrẹn;

Ẹyano 34:26

Emamọ rẹ ẹsosuọ rẹ orọ wẹn ọye wọ vwọ rhe uwevwi rẹ Ọrovwohwo Ọghẹnẹ wẹn. Wo chere ọmọ rẹ ẹvwe vwẹ evun rẹ ame rẹ ivie rẹ oni rọye-e.

Ẹyano 23:19

Omamọ rẹ ẹsosuọ rẹ otọ wẹn na wọ me rọye vwọ rhe uwevwi rẹ Ọrovwohwo rẹ Ọghẹnẹ wẹn. Wọ vwẹ ame rivie rẹ oniẹvwe vwo chere ọmọ rọye-e.

Zekaraya 9:7

mi che si ọbara rọye nẹ unu rọye, si akon rọye nẹ ẹgua umuku ri chekọ ke dia Ọghẹnẹ rẹ avwanre; kọ họhọ oma vwi Juda, Ekrọn kọ họhọ ihwo ri Jebu.