Aizaya 64:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Aizaya 64:8 Referans Kwoze

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Une rẹ Ejiro 119:73

Abọ wẹn re ma vwẹ, ri ruona mẹ; ke vwẹ ẹruọ rere mi vwo yono irhi wẹn

Une rẹ Ejiro 138:8

Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 29:16

Wa gare erọvwọ vi otọ! Ke se ọmema na nẹ ọphie o ruẹ, re obo ra mare da ta kẹ ọ rọ marọ nẹ; O ma vwẹ-ẹ eyẹ obo ra mare da ta kẹ ọ rọ marọ nẹ, wo vwo obọ-ọ?

Aizaya 45:9

Ekan kẹ ohwo ro nene ọ rọ marọ pharhe, ema ra mare vẹ ọmema. Ophiẹn kọ ta kẹ ọmema nẹ, Die wọ vwọ ma vwẹ? eyẹ nẹ, Iruo wẹn vwo obọ-ọ?

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 44:21

Karophihọ imu nana, E Jekọp, kugbe Izrẹl, kidie wẹ odibo mẹ, Mẹvwẹ re ma wẹ, wẹ ke odibo mẹ, E Izrẹl wọ sa chọro ovwẹ ẹro-o.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 3:29

O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.

Ẹyano 4:22

Ku wọ ta kẹ Fẹro, ‘Enẹ Ọrovwohwo tare, “Izrẹl hẹ ọmọkpako mẹ,

Iyẹnrẹ Esiri ri Jọn 8:41

We ruẹ obo rẹ ọsẹ rẹ ovwan ruru. Ayen da ta kẹ, A vwẹ igberadja vwiẹ avwanre-e; avwanre vwo Ọsẹ ọvo, ọye Ọghẹnẹ.

ỌBE RẸ JOB 10:3

Ofori kẹ wẹ re wo vwo shenyẹ ohwo, wọ vwọ siẹn iruo rẹ obọ wẹn, wọ rhọvwe phihọ iroro rẹ oruimwemwu?

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 19:25

re Ọrovwohwo rẹ Ọghẹnẹ rẹ otuofovwi bruba ke na, tanẹ, Ebruba kẹ Ijipt ihwo mẹ, kẹ Asiria iruo rẹ obọ mẹ, kẹ Izrẹl ọreuku mẹ.

Aizaya 45:11

Enẹ Ọrovwohwo tare, Ọfuanfon Ọvuọvo rẹ Izrẹl na, kugbe Ọ rọ marọ Wọ nọ vwẹ orhiẹn kpahe emọ mẹ, eyẹ ji urhi kẹ vwẹ kpahe iruo rẹ obọ mẹ?

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Ẹyano 32:12

Die sorọ rẹ ihwo rẹ Ijipt vwọ tanẹ Uvun umwemwu ọye ọ vwọ reyọ ayen rhe, rere o vwo hwe ayen vwẹ enu rẹ igbenu, rere ọ vwọ guọghọ ayen nẹ otọ rẹ akpọ na? Fue ophu ọrhorhorho wẹn na, rere wo je emu ọbrabra ru wo che vwo ru ihwo nana vwo.

Urhi Rivẹ 9:29

Dede na ihwo wẹn vẹ ukuẹriọ wẹn ayen ruẹọ, e re Wọ vwẹ ogangan Wẹn rode kugbe ugbobọ wẹn reyọ rhe na.

Une rẹ Ejiro 74:1

E Ọghẹnẹ, die wọ vwọ djẹ avwanre kufia bẹdẹ? Die ophu wẹn vwọ teye igodẹ re egbri wẹn?

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.