Aizaya 64:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 64:6 Referans Kwoze

Ọbe ri Pọl si rhe Ihwo ri Rom 7:18

Me riẹnre nẹ emu ọvuọvo ro yovwiri hẹ evun mẹ-ẹ, kọye hẹ ugboma mẹ. Mi vughe obo ri yovwiri, ẹkẹvuọvo yi mi se ruo-o.

Ọbe ri Pọl si rhe Ihwo ri Rom 7:24

Orharhe rẹ ohwo re me epha! Kono che sivwi uvwe nẹ oma rẹ ughwu nana?

Zekaraya 3:3

Ọke yena Joshua mudia vwẹ obaro rẹ amakashe na, ọ vwẹ iwun igbegbe rhuo.

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

Ẹvwọphia 7:13

Etiyin ọvo vwẹ ekpako na da ta kẹ vwẹ, tanẹ, Ena amono, ri ku edagba efuanfon phihọ na, tivọ ayen nurhe?

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Hosia 4:19

Odju phare ayen phihọ ibekpe rọye, oma kọ cha vo ayen fiki rẹ agbada rayen.

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Une rẹ Ejiro 1:4

Oruimwemwu sa dia ọtiọye-e, ẹkẹvuọvo kọ dia kere iphopho rẹ odju muẹ yanran.

ỌBE RẸ JOB 40:4

Nighe, mi fi emuọvo-o; Kidie me kpahe kẹ wẹ? me vwẹ obọ rhurhu unu mẹ.

Aizaya 1:30

Kidie wọ cha dia kerẹ ọhahe rọ faẹbe, kerẹ ogba ro je ame vwo.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Livitikọs 13:12

Ọ da rha dianẹ oti na varhe vwẹ ohọroma rẹ ohwo na, ra da mrẹ ipe rẹ oti na vwẹ asan kasan vwẹ oma rọye te awọ te uyovwi ejobi, asan rẹ orherẹn na sa mrẹ te ejobi,

2 Samuẹl 22:46

Oshọ mu erhorha ayen da rhe vẹ ophariẹ nẹ asan odjahọ rayen rhe.

Une rẹ Ejiro 14:4

Ayen vwo ọhọ-ọ, ayen ejobi ri ruẹ umwemwu re ria ihwo mẹ kere ẹsiẹ ra re ikara, yẹ ayen gbi se Ọrovwohwo-o?

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Aizaya 43:22

Dede na yi wo gbi se vwe-e, E Jekọp, ẹkẹvuọvo uvwerhi mẹ ko ro we, E Izrẹl.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Hosia 7:7

Ayen ejobi rhorha kerẹ enyerhanre, ayen guọghọ ihwo ri sun ayen, Ivie rayen ejobi sheri, ayen ọvuọvo rhe kperẹ se vwe-e.