Aizaya 61:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 61:3 Referans Kwoze

Une rẹ Ejiro 30:11

We re rhẹriẹ omaemuohọ mẹ phihọ eha egbe, wo rhan amwa re uvweri mẹ nu wọ da vwe aghọghọ vwo rhuo vwe,

Iyẹnrẹ Esiri ri Jọn 16:20

Uyota, uyota, me ta kẹ ovwan, ovwan cha viẹ ovwan che vwere oma, ẹkẹvuọvo akpọ na cha ghọghọ; ọ cha da ovwan gangan, ẹkẹvuọvo ọdavwẹ rẹ ovwan che hirhe phihọ aghọghọ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aghwoghwo 9:8

Jẹn iwun wẹn ejobi dia fuanfọn kọke kọke; wo jẹn ori kare uyovwi wẹ-ẹn.

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Une rẹ Ejiro 23:5

Wẹ re rhuẹrẹ imẹjẹ kẹ vwẹ vwẹ obaro rẹ ivwighrẹ mẹ; we vwẹ ori ghworo uvwe uyovwi uko mẹ da vọn chekọ.

1 Kọrẹnt 6:20

o vwo unuigho ra de wẹ. Ọtiọye na gba vwẹ urinrin kẹ Ọghẹnẹ vwẹ oma wẹn.

Zekaraya 3:5

Me da ta, Jẹn ayen vwẹ ubierhu ọtantan tughẹ uyovwi rọye. Eriyin aycn da vwẹ ubierhu ọtantan tughẹ uyovwi rọye e de ku iwun rọye phihọ; ye amakashe rẹ Ọrovwohwo na mudia kẹrẹ.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Ẹsta 8:15

Etiyin Modekai da yan phia nẹ obaro rẹ ovie na vẹ edagba rẹ uvie e rẹ ọgiọgiọ vẹ efuanfon, vẹ erhu rẹ uvie rẹ oro kugbe adagba rẹ esada oyoyovwi kugbe isene, jẹ orere ri Susa kperẹ ghọghọ.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.

Iyẹnrẹ Esiri ri Luk 15:22

Ẹkẹvuọvo ọsẹ na da ta kẹ idibo rọye, Jọphẹre ra reyọ adagba rhe, re kuo phihọ, ru we ku isa phihọ obọ, ku isabato phihọ awọ;

Ẹsta 9:22

Ayen reyọ kerẹ ẹdẹ rẹ ihwo ri Ju re vabọ rẹ ivwighrẹn rayen, kerẹ emeranvwe re vwo ku uvwerhe rayen rhẹriẹ phihọ omavwerhovwẹ vẹ omemuohọ vwo kpo omerovwo, rere ayen vwẹ ayen ru ẹdẹ rẹ orẹ vẹ omavwerhovwẹ, ede re vwo kru oghwa rhe ohwohwo vẹ ẹse eruo kẹ igbere.

2 Tẹsalonaika 1:10

Vwẹ ọke rẹ ihwo efuanfon rọye da cha vwẹ ejiro kẹ vwẹ ẹdẹ yena, ko gbe ayen unu siẹ rẹ ayen da mrẹ otu ri segbuyota na, fikiridie iseri rẹ avwanre se kẹ ovwan na we sere gbuyota.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Matiu 15:13

Ẹkẹvuọvo ọ da kpahe ọ da ta nẹ, Kurhe kurhe rẹ Ọsẹ mẹ rọ hẹ obo odjuvwu kọnre-e, ke ghwie kufia.

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Jerimaya 31:13

Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

Izikiẹl 34:29

Ke me kọn omamọ rẹ ọgbọ ro yovwi emu kẹ ayen rere owẹvwe vwo jẹ ayen ehwe ọfa vwẹ otọ na, rere ẹgborho efa na vwọ jẹ ayen ẹvwọ jehwẹ.

Izikiẹl 47:7

Ri mi vwo rhivwi kpo uko, me da mrẹ irhe buebu vwẹ orhoma rẹ urhie na, vwẹ abọ nana vẹ abọ rivẹ.

Une rẹ Ejiro 30:12

rere erhi mẹ vwo jiri uwe rọ vwọ je fotovwi gbiẹi. E Ọrovwohwo Ọghẹnẹ mẹ, me vwẹ ẹkpẹvwẹ kẹ wẹ bẹdẹ.