Aizaya 61:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

Aizaya 61:11 Referans Kwoze

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Aizaya 62:7

Wa je vwẹ urovwoma kẹ-ẹ bẹsiẹ ri Jerusalẹm vwọ kpọvi rọ da dia ejiro vwẹ akpọ na.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Solomon 4:16

Vrẹn, E odju rẹ obọrhẹ ọnre! yanrhe, E odju rẹ obuko ọnre! Gbe dju phihọ ogba mẹ, gbe jẹn ọnrhe rọye gbo ro asan ejobi. Gbe jẹn ọnse ro je vwe na rhe ogba rọye, rọ re emamọ ro jere ejobi.

Une rẹ Ejiro 85:11

Esegbuyota cha va nẹ otọ rhe, ọvwata ko che ni otọ nẹ obenu rhe.

Matiu 13:23

Ọ ra kọn phihọ otọ rẹ esiri na, eye hẹ edje ri nyo ota na, re riẹn otọ rọye, e da ghene mọ emamọ, evo ujori, evo ujorha, evo ọgban.

Matiu 13:3

Ọ da ta ota buebu kẹ ayen vwẹ itẹ, ọ da ta nẹ, Nighe, ọkekankọn ọvo yanran ra kọn.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Une rẹ Ejiro 72:16

E jẹn ọka buebu dia otọ na; vwẹ enu rẹ igbenu na etiyin i de kpogho; e jẹn emamọ rọye dia kerẹ Lebanọn; e jẹn ihwo varhe gbọdọ gbọdọ ne irere na rhe kerẹ odi rẹ udju!

Une rẹ Ejiro 72:3

Jẹn igbenu na bi oyouvwe rhe ihwo na, igbenu rẹ itete na, kẹ ọvwata!

Matiu 13:8

Ẹfa de she phihọ otọ esiri, e da djẹ e da mọ emamọ, evo ujori, evo ujorha, evo ọgban.

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Jẹnẹsis 1:11

Ọghẹnẹ da ta, Gbe jẹn otọ na di ẹbe, irhe re mọn kugbe irhe re emamọ rẹ ibi dia evun rayen, durhe doghere rọye vwe evun rẹ otọ na. O da ghene dia ọtiọye.

Aizaya 62:2

Ẹgborho na ke cha mrẹ ase wẹn, ivie na ejobi kẹ urinrin wẹn, ka vwẹ odẹ ọkpokpọ se we rẹ unu rẹ Ọrovwohwo ọvo che se.