Aizaya 60:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 60:9 Referans Kwoze

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 2:16

vwọ kẹ eko ejobi ri Tarshish; ke ekọ ri yovwiri ejobi.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Galesha 4:26

Ẹkẹvuọvo, Jerusalẹm rọ hẹ obenu na, ọmuvwiẹ kọye hẹ oni rẹ avwanre ejobi.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Iyẹnrẹ Esiri ri Jọn 17:26

Mi dje odẹ wẹn kẹ ayen, ki mi ruo re ayen vwọ riẹn, rere ẹguọnọ ru wọ vwọ kẹ vwẹ na vwọ sa dia evun rẹ ayen, re me dia evun rẹ ayen.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Zekaraya 14:14

Juda dede cha họre Jerusalẹm. Ka cha ghwẹ efe rẹ ẹgborho re yariẹ rẹ phihọ na ejobi koko, iro, idọnọ efuanfon, vẹ emwa buebu.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Jerimaya 30:19

Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Aizaya 60:4

Kpare ẹro wẹn ri wo ni riariẹ, re wọ mrẹ; ayen ejobi ghwẹ oma koko, ayen bru we cha, emọ wẹn che nẹ ogboko rhe, emetẹ wẹn ke che mu ayen kpahe igbabọ.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Isẹ 18:20

Ubi ro nẹ unu rẹ ohwo rhe ọye re vọn evun, emamọ rẹ ugbenu rọye re nẹrhẹ evun vọn.

Une rẹ Ejiro 72:10

Jẹn ivie ri Tarshish kugbe i ri ibrotọ na gba arhọghọ jẹn ivie ri Sheba kugbe Sẹba phare ọko rhe!

1 Ivie 22:48

Jehoshafat da kare ekọ ri Tarshish ri kpo ọfa ra ghwẹ iro; ẹkẹvuọvo e gbe rha ra-a, kidie ekọ na i shuru vwẹ Eziọn-geber.

1 Ivie 10:22

Kidie ovie vwo usun rẹ ekọ ri Tarshish vwẹ obo abadi kugbe usun rẹ ẹko ri Hiram. Ẹsiẹvo vwẹ ẹgbukpe erha ọye usun rẹ ekọ ri Tarshishi cha e me ghwa oro, idọnọ efuanfon, akeni, okpe, kugbe ogbodu.

1 Ivie 10:1

Asakiephana rẹ ovie rẹ aye ri Sheba vwo nyo usi ri Solomọn kpahọ odẹ rẹ Ọrovwohwo, ọ da rhe vwẹ enanọ egangan vwọ davwọ.

1 Ivie 8:41

Ọtiọye ji rhe ọke rẹ ọrhorha, rọ dia usun rẹ ihwo wẹn Izrẹli-i, de nẹ isiorho rhe fiki rẹ odẹ wẹn.

Joshua 9:9

Ayen da ta kẹ, Orho oshesheri ọye idibo wẹn nurhe, fiki rẹ odẹ rẹ Ọrovwohwo Ọghẹnẹ wẹn; kidie avwanre nyo usi rọye, kugbe obo ro ruru vwẹ Ijipt,

Ẹyano 33:19

Ọ da ta, Mi ru rere erhuvwu mẹ ejobi ka obaro kẹ wẹ, ki mi ghwoghwo odẹ mẹ, Ọrovwohwo na, vwẹ obaro wẹ, ki mi nẹ aruẹdọ kẹ ihwo ri mi nẹ aruẹdọ rọye, ke me re ehrọre kẹ ihwo re me re ehrọre rọye.

Jẹnẹsis 9:27

Ọghẹnẹ hẹre ishamwa ri Jafẹt, e jọ dia itughẹ ri Shẹm, e je Kenan dia ọviẹn rọye.

Une rẹ Ejiro 48:7

Vwẹ odju ro nẹ obaro ọnre cha wọ vwọ hra ekọ ri Tarshish.

Aizaya 24:15

Fiki rẹ ọtiọye na vwẹ urinrin kẹ Ọrovwohwo vwẹ obaro ọnre, vwẹ orhoma re abadi na ejobi, vwẹ urinrin kẹ odẹ re Ọrovwohwo, Ọghẹnẹ re Izrẹl.

Aizaya 49:22

Enẹ Ọrovwohwo rẹ Ọghẹnẹ tare , Nighere, Me riẹn obọ mẹ kpahe ẹgborho na, ke Me vwẹ oka Mẹ vi ke ihwo na; ayen ki mu emọ rayen phihọ agada rayen rhe, emetẹ wẹn ke mu ayen kpahe akoko rayen,

Aizaya 60:6

Urogho rẹ iyesi ko rhurhu we pitiki, upene re iyesi ri Midian kugbe Ephah, otu ri Sheba ejobi cha rhe. Ayen cha ghwẹ oro vẹ adjija rhe, ayen ke che ghwoghwo urinrin rẹ Ọrovwohwo.

Izikiẹl 39:7

Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Maika 7:12

Vwe ẹdẹ yena ayen ki che bru we rhe, nẹ Asiria re te Ijipt, nẹ Ijipt rhe re te Urhie na, nẹ abadi re te abadi nẹ ugbenu re te ugbenu.

Une rẹ Ejiro 97:1

Ọrovwohwo na ria uvie, jẹn akpọ na ghọghọ, jẹn erhuru na ejobi ghọghọ!

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.