Aizaya 60:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kpare ẹro wẹn ri wo ni riariẹ, re wọ mrẹ; ayen ejobi ghwẹ oma koko, ayen bru we cha, emọ wẹn che nẹ ogboko rhe, emetẹ wẹn ke che mu ayen kpahe igbabọ.

Aizaya 60:4 Referans Kwoze

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Iruo rẹ Iyinkọn na 13:44

Vwẹ edidjala rivẹ degbe ihwo rẹ orere na ejobi re ghwẹ koko rere i rhi nyo ota rẹ Ọghẹnẹ.

Iyẹnrẹ Esiri ri Jọn 4:35

Ọ dia ovwan tare nẹ, Emeranvwe ẹne ri chekọ, tavwe rẹ orhọ ki te? Me ta kẹ owẹ, kpare ẹro kpenu, rẹ wo ni obo rẹ idju na ejobi ghwo te orhọ nure.

Matiu 8:11

Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Maika 7:12

Vwe ẹdẹ yena ayen ki che bru we rhe, nẹ Asiria re te Ijipt, nẹ Ijipt rhe re te Urhie na, nẹ abadi re te abadi nẹ ugbenu re te ugbenu.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Aizaya 14:2

Ihwo na ke reyọ ayen vwọ rhe adia rayen, uwevwi rẹ Izrẹl ko vwo ayen vwẹ otọ rẹ Ọrovwohwo na; kẹ ayen dia eviẹn rẹ eshare vẹ e rẹ eya, ihwo ri ke mu ayen jovwo na ka rhoma mu ayen ighuvwu, kẹ ayen rhoma sun ihwo ri ke shenyẹ ayen jovwo na.

Aizaya 49:17

Ihwo re bọn wẹn ọ phẹrẹ ayen obọ nọ otu re guọghọ owẹ, ihwo ri kporo uwe te otọ ma yan ju we vwo.