Aizaya 60:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Irere buebu ki che bru urhukpẹ wẹn na rhe, ivie ki bru elo wẹn ro vacha na rhe.

Aizaya 60:3 Referans Kwoze

Iruo rẹ Iyinkọn na 13:47

Kidie ọtiọye Ọrovwohwo ta kẹ avwanre nẹ, Me vwẹ ovwan rhu kerẹ urhukpẹ kẹ ihwo ri Keferi na, rere ovwan vwọ ghwa esivwo kpo oba rẹ akpọ na.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Ẹvwọphia 21:24

Vwẹ urhukpẹ rọye ọye ẹgborho na cha vwọ yan; ivie rẹ akpọ na ke cha ghwẹ urinrin rayen ruọ,

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Iruo rẹ Iyinkọn na 15:17

rere ihwo ri chekọ vwọ sa guọnọ Ọrovwohwo, kugbe ihwo ri Keferi na ejobi ra vwẹ odẹ mẹ se.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Une rẹ Ejiro 138:4

Iviẹ rẹ akpọ na ejobi che jiro uwe, E Ọrovwohwo, kidiẹ ayen nyo eta rẹ unu wẹn;

Une rẹ Ejiro 68:29

Fiki rẹ uwevwi wẹn vwi Jerusalẹm ivie ki ru ese rhe we

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Emọs 9:12

rere ayen mrẹ asan reyọ asan ro chekọ vwẹ Edọm vẹ ẹgborho na ejobi ra vwẹ odẹ mẹ se, eriyin Ọrovwohwo rọ ru ọnana na tare.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Une rẹ Ejiro 2:10

Asakiephana, wa gba ghwanre, E ivie, wa kẹnoma, E isun rẹ akpọ na.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 102:22

vwe ọke re ihwo da ghwe koko, re uvie da ra ga Ọrovwohwo na.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Aizaya 62:2

Ẹgborho na ke cha mrẹ ase wẹn, ivie na ejobi kẹ urinrin wẹn, ka vwẹ odẹ ọkpokpọ se we rẹ unu rẹ Ọrovwohwo ọvo che se.

Une rẹ Ejiro 102:16

Kidie Ọrovwohwo cha bọn Zayọn, ọ cha phia vwẹ urinrin rọye;